50 milyonluq azərbaycanlının problemi - Qarabağ

Baki/03.10.20/Turan: Azərbaycan Respublikasında yaşayan bir qrup Güney Azərbaycan türkləri dövlət başçısı İlham Əliyevə müraciət ünvanlayıblar.

Müəlliflər bəyan edirlər ki, Güney Azərbaycan türkləri olaraq Azərbaycanın torpaq bütövlüyünü təmin etmək üçün aparılan haqlı mübarizni dəstəkləyirlər.

“Vətənimiz Azərbaycanın təcavüzkar Ermənistan dövləti tərəfindən işğal edilmiş ərazilərinin azad edilməsi uğrunda bütün imkanlarımızı səfərbər etməyə və ordumuzun sıralarında döyüşməyə hazır olduğumuzu bildiririk” , deyə müraciətdə vurğulanır..

Müəlliflər bəyan edirlər ki, Arazın o tayında, on milyonlarla azərbaycanlının yaşadığı İranda, azərbaycanlıların istək və iradəsi əleyhinə İran siyasi rəhbərliyi Ermənistanın işğalçılıq siyasətinə ədalətli və birmənalı mövqe nümayiş etdirmir, buna görə də bu ədalətsiz mövqeni kəskin qınayırlar.

Təbriz, Urmiya, Zəncan, Tehran, Xiyav(Mekin) və başqa şəhərlərdə on minlərlə soydaşımızın Azərbaycan Respublikasına dəstək aksiyaları, xalqımızın bu həssas məqamda baş verənləri yaxşı anladığını və Qarabağın yalnız Azərbaycan Respublikasının deyil, 50 milyonluq dünya azərbaycanlılarının problemi olduğunu göstərir.

Müəlliflər müraciəti “Qarabağ Azərbaycandır! Yaşasın Azərbaycan!” şüarları ilə tamamlayıblar.

1. Cavidan Elbars

2. İsməli Miyanalı

3. Taymaz Dizəli

4. Bəhmən Otaylı

5. Calal Musapur

6. Araz Obalı

7. Həsən Səfəri

9. Seyfəli Zakiri

10. Nəbi Soytürk

11. Vahid Vahidli

12. Həmzə Lətifi

13. Babək Muğanlı

14. Əlirza Zamani

15. Həbib Sasanian

16. Səid Xəzər

17. Babək Miyanalı

18. Murtaza Əhərli

19. Ramin Vuqarlı

20. Siyamək Rəhbəri

21. Cavad Həmədanlı

22. Mustafa Rəsulsoy

23. Vəli Şahi

24. Məhəmməd Dehqan

25. Şükrullah Mütəhəmmil

26. Emin Araz.