65 gündür aclıq edən Famil Xəlilovun bədəni artıq suyu qəbul etmir
Həbsxanada 65 gündür aclıq edən ictimai fəal, I qrup əlil Famil Xəlilovun səhhəti kəskin pisləşib. Bu barədə Turan-a oktyabrın 17-də saxlanıldığı 1 saylı Bakı İstintaq Təcridxanasının sanitar-tibb hissəsində onunla görüşdən sonra həyat yoldaşı Kiçikxanım Xəlilova bildirib.
"Familin bədəni artıq suyu belə qəbul etmir. O, bu gün bir neçə dəfə su içməyə cəhd edib, mədəsi suyu qəbul etməyib, qaytarıb. Familin qarın nahiyəsində kəskin ağrılar başlayıb, ayaqları qıc olur", deyə o qeyd edib.
Onun sözlərinə görə, Famil Xəlilova həkim nəzarəti yoxdur. "Bu həftə ümumiyyətlə həkimlər onun səhhəti ilə maraqlanmayıb", deyə o bildirib.
Penitensiar Xidmətdən şərh almaq mümkün olmayıb.
* Famil Xəlilov - qolları iflic olan əlil mayın 2-də CM-in 234.4.3-cü (satış məqsədilə külli miqdarda narkotik vasitənin hazırlanması, daşınması, saxlanılması) maddəsi ilə ittiham irəli sürülüb. Fəal barəsində 4 ay azadlıqdan məhrumetmə cəzası seçilib. Bu maddə 5 ildən 12 ilədək azadlıqdan məhrumetmə cəzası nəzərdə tutur.
Yaxınları onun həbsinin əsl səbəbinin sosial şəbəkələrdə hakimiyyətin ünvadına tənqidi yazıları olduğunu iddia edirlər.
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz