Bakı/09.02.20/Turan: 84 saylı Füzuli seçki dairəsində seçki komissiyaları və yerli hakimiyyət orqanları tərəfindən seçki prosedurunun kobud şəkildə pozulması barədə məlumatlar gəlir.
Burada səsvermə prosesi namizəd, İqtisadi və Sosial İnkişaf Mərkəzinin rəhbəri Vüqar Bayramovun xeyrinə təşkil olunur. Digər namizədlərin müşahidəçiləri seçki məntəqələrinə buraxılmır, hətta mobil telefonla çəkiliş aparmaq qadağan edilib. Namizədlər Dairə Seçki Komissiyasına şikayət edirlər, amma vəziyyət əvvəlki kimi qalır.
Öz növbəsində Vüqar Bayramovun nümayyəndələri deyilənləri təkzib edir və bildirir ki, hər hansı bir pozuntu yoxdur və digər namizədlərin nümayyəndələri məntəgələrə azad daxil ola bilir.
Yanvarın 30-da Demokratik Qüvvələrin Milli Şurası hakimiyyət tərəfindən deputat kimi müəyyən edilmiş namizədlərin siyahısını açıqlayıb. Siyahıda Fizuli seçki dairəsindən Vüqar Bayramovun adı var.0—
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz