Açiq mənbələrdən foto.
ABŞ ATƏT-in Minsk Qrupundan kənarda Qarabağ məsələsində vasitəçiliyi davam etdirəcək
Vaşinqton/19.03.22/Turan: Bazar ertəsi Vaşinqton Ermənistana və Azərbaycana sülh axtarışında kömək etməyə hazır olduğunu təsdiq edib.
"Biz Ermənistanı və Azərbaycanı diplomatik əməkdaşlığı davam etdirməyə və Dağlıq Qarabağ münaqişəsi ilə bağlı və ya ondan irəli gələn bütün həll edilməmiş məsələlərin hərtərəfli həllinin axtarışı üçün mövcud mexanizmlərdən istifadə etməyə, hərtərəfli sülh sazişi bağlamaqla, münasibətləri normallaşdırmağa çağırırıq", bu barədə Dövlət Departamentinin rəsmi nümayəndəsi Ned Prays gündəlik brifinqdə bildirib.
"Bizim rolumuza gəlincə, biz əvvəlki kimi, o cümlədən ATƏT-in Minsk Qrupunun həmsədri qismində Ermənistana və Azərbaycana bu səylərində kömək etməyə hazırıq", deyə Prays bildirib. "Buna görə biz mövcud mexanizmlərdən danışarkən, əlbəttə ki, ATƏT-in Minsk Qrupu onların bir hissəsidir".
Bu arada, Dövlət Departamentinin MQ həmsədrinin regiona hazırki səfəri haqqında səhər paylaşdığı tvitdə Endryu Şoferi niyə "Qafqazda danışıqlar üzrə baş müşavir" adlandırdığı hələ aydın deyil.
Şofer bazar ertəsi Ermənistan baş naziri Nikol Paşinyanla görüşüb və Dağlıq Qarabağ münaqişəsinin hərtərəfli həllində "MQ həmsədrləri formatının rolunu" müzakirə edib. Şoferin Yerevandan Bakıya gələcəyi gözlənilir, bu barədə Turan-a diplomatik mənbələr bildiriblər. -25B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz