ABŞ “Azadlıq Radiosu”nun jurnalisti Alsu Kurmaşevanı azad etməyə çağırır
Bazar ertəsi Birləşmiş Ştatlar Rusiya məhkəməsinin hərbi senzura haqqında qanunların pozulmasına görə 6,5 il müddətinə həbsə məhkum etdiyi “Azadlıq Radiosu”nun jurnalisti Alsu Kurmaşeva barəsində hökmü pisləyib.
“O, həqiqəti deməyə sadiq olduğuna görə Rusiya hakimiyyəti tərəfindən hücumlara məruz qalan şərəfli jurnalistdir”, deyə Dövlət Departamentinin nümayəndəsi Metyu Miller brifinqdə Turan-ın suallarına cavabda bildirib.
Tatar-başqırd xidmətinin redaktoru Kurmaşeva 18 oktyabr 2023-cü il tarixində Kazanda “xarici agent” kimi qeydiyyatdan imtina etmək ittihamı ilə saxlanılıb.
Bir neçə ay sonra ona qarşı ikinci ittiham - Rusiya ordusu haqqında “feyk” məlumat yaymaq ittihamı irəli sürülüb.
Kurmaşevanın işi üzrə qapalı iclas ötən həftə, Wall Street Journal-ın reportyoru Evan Qerşkoviç “casusluq” ittihamı ilə 16 il həbs cəzasına məhkum edildiyi gün keçirilib.
“Bu gizli məhkəmə və hökm ədalətli mühakiməni ələ salmaqdır”, deyə bazar ertəsi “Azadlıq Radiosu”nun prezidenti Stiven Kapus bildirib.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz