Açiq mənbələrdən foto.

Açiq mənbələrdən foto.

Vaşinqton/23.09.23/Turan: Cümə günü ABŞ bildirib ki, sonuncu qarşıdurmalara baxmayaraq, "Azərbaycan və Ermənistanla qarşılıqlı fəaliyyəti davam etdirir", xəbəri Turan-ın müxbiri verib.

"Biz Dağlıq Qarabağda vəziyyətin yekun həllinin axtarışında Azərbaycan və Ermənistan rəhbərliyi ilə ən yüksək səviyyədə qarşılıqlı fəaliyyəti davam etdiririk", deyə ABŞ-ın BMT-dəki səfiri Linda Tomas-Qrinfild Nyu-Yorkda jurnalistlərə bildirib.

Şərhlər dövlət katibinin Avropa və Asiya işləri üzrə köməkçisi səlahiyyətlərini icra edən Yuri Kimin BMT Baş Assambleyası çərçivəsində Qarabağdakı vəziyyəti müzakirə etmək üçün Ermənistanın xarici işlər naziri  Ararat Mirzoyanla görüşməsindən sonra səslənib.

"Azərbaycan mülki əhalinin müdafiəsinə və humanitar təşkilatların ərzaq, dərman və digər ilkin tələbat mallarını maneəsiz və gecikmədən çatdıra bilməsinin təmin edilməsinə görə məsuliyyət daşıyır. Biz bir daha təsdiq edirik ki, Ermənistanın suverenliyini, ərazi bütövlüyünü və demokratiyasını qətiyyətlə dəstəkləməyə davam edəcəyik", deyə Kim görüşdən sonra Tvitter-də yazıb.

Cümə günü axşam saatlarına qədər BMT BA-da iştirak etmək məqsədilə Nyu-Yorkda səfərdə olan Azərbaycanın xarici işlər naziri Bayramovla belə bir görüşün keçirildiyi haqqında məlumat yayılmayıb. 

Bu arada cümə günü Nyu-Yorkda görüşü başa vuran dövlət katibi Blinken Qarabağ problemini Türkiyənin xarici işlər naziri Fidanla müzakirə edib.

"Dövlət katibi... hərbi əməliyyatların dayandırılması və Dağlıq Qarabağda humanitar vəziyyətin pisləşməsinin qarşısının alınması üzrə səyləri dəstəkləməyə çağırıb", deyə Dövlət Departamentinin məlumatında bildirilir.

"Bu həftə mənim hər iki liderlə - baş nazir Paşinyan və prezident Əliyevlə görüşmək imkanım olub. Və mən onların hər ikisinə ötən həftəki əməliyyatlar, xüsusən Azərbaycanın hərbi əməliyyatları ilə bağlı dərin narahatlığımı bildirdim", deyə Blinken qeyd edib.

"Biz açıq şəkildə bildirmək istəyirik ki, güc tətbiqi qəbuledilməzdir və bizim regionda ədalətli və layiqli sülhə nail olmaq üçün göstərdiyimiz səylərə ziddir".

"Bu həftə gördüyümüz əməliyyatlar bu səylərə ziddir", deyə o bildirib.

ABŞ həmçinin Qarabağda humanitar vəziyyətdən də "dərin narahatlıq hissi keçirir" və "humanitar təşkilatların ehtiyacı olan əhaliyə maneəsiz çıxışı da bizim səylərimizin mərkəzindədir", deyə Blinken qeyd edib. 0

Rəy yaz

Siyasət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti