ABŞ azərbaycanlıları məmurlara qarşı sanksiyalara dəstək aksiyasına başlayıblar
“ABŞ azərbaycanlıları İlham Əliyevdən təcili demokratik islahatlara start verilməsini və siyasi məhbusların təcili azad olunmasını tələb edirlər. Düşünürük ki, viza sanksiyaları müsbət nəticələr verəcək və bu səbəbdən ABŞ Konqresindən xahiş edirik ki, Azərbaycan hakimiyyətinə qarşı sanksiyalar tətbiq olunsun”, - Nyu Yorkdakı ABŞ azərbaycanlılarının İnternet saytında (https://www.change.org/p/support-targeted-sanctions-against-azerbaijan-support-azerbaijan-democracy-act-of-2015) yerləşdirilmiş dəstək aksiyasının müraciətində deyilir.
Dəstək aksiyası 2015-ci il dekabrın 16-da başlanıb və indiyədək 128 nəfər imzalayıb.
ABŞ Helsinki Komissiyasının sədri, konqresmen Kris Smit ABŞ Konqresinə Azərbaycan məmurlarına qarşı sanksiyaları nəzərdə tutan “2015 Azərbaycanda Demokratiya Aktı” adlı qanun layihəsi təqdim edib.
Müraciətdə deyilir ki, layihədə nəzərdə tutulan sanksiyalar adi Azərbaycan vətəndaşına qarşı deyil. “Bu qanun layihəsinin erməni lobbisi ilə də heç bir əlaqəsinin olmadığını bəyan edirik. Azərbaycan xalqını hakimiyyətin apardığı gülünc təbliğata inanmamağa və öz hüquqlarını tələb etməyə çağırırıq. Və bu yolda biz hər zaman Azərbaycana dəstək olacağıq”, - müraciətdə qeyd edilir.
Müraciətdə İlham Əliyevin son əfv fərmanının siyasi məhbuslara şamil edilməməsindən ABŞ azərbaycanlılarının təəssüf hissi keçirdiyi bildirilir.
“İlham Əliyev son əfv fərmanı ilə bir daha demokratik islahatların olmayacağını, siyasi məhbusların azad edilməyəcəyini və siyasi motivli həbslərin davam edəcəyini nümayiş etdirdi. ABŞ azərbaycanlıları əmindir ki, İlham Əliyev bu əfv fərmanı ilə ABŞ-a bir daha islahat olmayacaq və siyasi məhbuslar azad olunmayacaq mesajını göndərmiş oldu. Bunları nəzərə alaraq biz ABŞ-da yaşayan azərbaycanlılar Amerika Konqresindən bu qanun layihəsinə dəstək göstərməyi xahiş edirik”, -müraciətdə bildirilir. -03D-
-
- Cəmiyyət
- 5 Yanvar 2016 14:15
-
- İqtisadiyyat
- 5 Yanvar 2016 15:17
Siyasət
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Fevralın 6-da Bakının Xətai Rayon Məhkəməsi jurnalist Şahnaz Bəylərqızı barəsində 3 ay 15 gün həbs qətimkan tədbiri seçib.
-
2025-ci il fevralın 6-da Ukrayna ilə Azərbaycan Respublikası arasında diplomatik əlaqələrin qurulmasının 33-cü ildönümü tamam olur. Bununla əlaqədar Ukraynanın Bakıdakı səfiri Pavel Qusev facebook səhifəsində məqalə dərc edib.
Jurnalistlər niyə həbs olunur? – Ərəstun Oruclu ilə gündəm müzakirəsi Çətin sualda
Xəbər lenti
-
- Maliyyə,
- 14:30
- 206
Rəy yaz