ABŞ Bəxtiyar Hacıyevə hücumu araşdırmağa və ölkə vətəndaşlarının hüquqlarına hörmət etməyə çağırır
Vaşinqton/24.08.22/Turan: “Biz Azərbaycanda konstitusion hüquqlarından istifadə edən vətəndaşlara qarşı zorakılıq, o cümlədən hücumlar və digər təzyiq formalarından dərin narahatıq”, - ABŞ Dövlət Departamentinin sözçüsü çərşənbə günü TURANın fəal Bəxtiyar Hacıyevə qarşı son hücumla baglı sorğuya cavab olaraq bildirib.
Dövlət Departamentinin sözçüsü əlavə edib: “Biz hakimiyyəti bütün bu kimi hadisələri, o cümlədən Bəxtiyar Hacıyevin bu yaxınlarda bildirdiyi hadisələri araşdırmağa və günahkarları məsuliyyətə cəlb etməyə çağırırıq”.
"Və biz bir daha hökuməti öz vətəndaşlarının hüquqlarına, o cümlədən fikirlərini dinc ifadə etmək hüququna hörmət etməyə çağırırıq" sözçü qeyd edib.
Xatırladaq ki, Bəxtiyar Hacıyev bildirib ki, bazar ertəsi Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşlarının onu Bakıda küçədə tutub, 6 saat saxlayıb və “Facebook” sosial şəbəkəsində daxili işlər nazirini tənqid edən yazılarını sildikdən sonra sərbəst buraxıblar.
2022-ci ilin aprelindədə Haciyev tutulub, döyülmüşdü və onlayn yazılara görə sorğu-sual edilmişdir.
Dünən Hacıyev Azərbaycan vətəndaşlığından çıxmaq üçün rəsmi ərizə verib.-0-
-
- Cəmiyyət
- 24 Avqust 2022 18:00
Siyasət
-
Azərbaycanın İrandakı səfirliyinin işinin bərpası istiqamətində tədbirlər görülür. Səfirliyin yeni məkanda fəaliyyətinin bərpa edilməsi planlaşdırılır. Bu barədə Xarici İşlər Nazirliyinin mətbuat katibi Ayxan Hacızadə KİV-in sorğusuna cavabında bildirib.
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
Rəy yaz