Bəxtiyar Hacıyev vətəndaşlıqdan imtina edir. Ölkədən gedir? – Bəxtiyar Hacıyev “Çətin sual” qarşısında

Bakı/24.08.22/Turan:  İctimai fəal Bəxtiyar Hacıyev Azərbaycan vətəndaşlığından çıxmaq üçün Prezident Administrasiyasına ərizə ilə müraciət edib. O, bu addımı  həyatına təhlükə olması ilə izah edib.

Fəal qeyd edib ki, son bir ildə dəfələrlə fiziki təzyiqlərə, təhdidlərə, oğurlanmalara, şəxsi həyatına müdaxilələrə məruz qalıb.Eyni zamanda onun şikayətləri ilə bağlı hüquq-mühafizə orqanları heç bir tədbir görməyib.

O, qeyd edib ki, onun dövlət, fiziki və hüquqi şəxslər qarşısında heç bir borcu yoxdur və vətəndaşlığına xitam verməkdən imtina etmək üçün heç bir əsas yoxdur.

Xatırladaq ki, Hacıyev bir gün əvvəl gün ərzində saxlanılaraq Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparıldığını və orada fiziki təzyiqlərə məruz qaldığını bildirmişdi. O, Daxili işlər naziri və iqtidaryönlü fəal Fuad Muradovla bağlı tənqidi yazıları Facebook səhifəsindən silməyə məcbur edilib. Nəhayət, onu hədələyiblər ki, polisi tənqid etməyə davam etsə, cəza daha sərt olacaq.

Daxili İşlər Nazirliyi hələ ki, Hacıyevin açıqlamasına münasibət bildirməyib.

İctimai fəal Bəxtiyar Hacıyev Kamran Mahmudovun təqdimatında yayımlanan “Çətin sual” verilişində bu barədə danışır.   

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency