ABŞ COVİD-19 səbəbindən Cənubi Qafqazı səfərlər üçün yüksək risk zonası hesab edir

Vaşinqton/09.11.21/Turan: Cənubi Qafqaz ən yüksək risk səviyyəsinə malik CDC səyahət kateqoriyasında qalmağa davam edir, ABŞ isə xarici turistlər üçün qapıları açır. Turan-ın Vaşinqton müxbirinin verdiyi məlumata görə, Azərbaycan, Ermənistan və Gürcüstan regionda COVİD-19 hallarının son dərəcə artması fonunda hələ də ABŞ-ın xəstəliklərə nəzarət və profilaktika mərkəzləri (CDC) siyahısında qalmaqdadır.

Bazar ertəsi ABŞ Tramp administrasiyası tərəfindən tətbiq edilmiş COVID-19 məhdudiyyətlərini ləğv edərək Avropanın böyük bir hissəsi də daxil olmaqla, ölkələrin uzun  siyahısından səfər məhdudiyyətlərini qaldırıb. Yeni qaydalar  səyahətçilərdən vaksinasiya haqda sənəd və COVİD-19 üçün mənfi test tələb etməklə əvvəllər məhdudlaşdırılmış ölkələrdən ABŞ-a hava uçuşlarına icazə verir.

Bununla belə, Rusiya, Azərbaycan, Ermənistan və Gürcüstan da daxil olmaqla, 80-ə yaxın ölkə hələ də COVİD-19-a yoluxma səviyyəsinin yüksək olduğu ölkələr sırasında qalmaqdadır.

CDC qlobal miqrasiya və karantin şöbəsinin direktoru Marti Çetron Turan-ın müxbirinin sorğusuna cavab olaraq bildirib ki, risklər haqda xəbərdarlıqlar səyahət edən adamlar üçün vacibdir.

"Dünyada ABŞ da daxil olmaqla, peyvənd edilməmiş çox sayda adam var, buna görə CDC riskləri qiymətləndirməyi və bütün istiqamətlər üzrə səyahət edənlərə məlumat verməyi vacib hesab edir", - o deyib. -25B-