Ölkələrin enerji təminatında bir ölkədən asılı olması və bundan siyasi təzyiq vasitəsi kimi istifadə edilməsi pisdir. Bu barədə ABŞ dövlət katibinin energetika diplomatiyası üzrə müavini Amos Hoçşteyn Türkiyənin Hürriyet qəzetinə müsahibəsində bildirib.
Bunun qarşısını almaq üçün enerji təminatı müxtəlifləşdirilməlidir. “Transanadolu qaz kəməri (TANAP) bu mühüm şərti yerinə yetirən layihədir. Təbii qaz yeni tədarükçü tərəfindən və yeni yolla ixrac edilir. TANAP enerji mənbələrinin müxtəlifləşdirilməsi üçün yaxşı nümunədir”, deyə o qeyd edib.
“Boru kəmərinin keçdiyi marşrut çox əhəmiyyətlidir. Layihə Ukrayna və ya Rusiyadan deyil, Türkiyədən keçir. O, Türkiyədən İtaliyaya keçdikdən sonra biz Yunanıstandan Bolqarıstana yeni boru kəməri tikə biləcəyik. Bolqarıstandan boru kəməri Serbiya, Rumıniya və Macarıstana birləşə bilər”, deyə o bildirib.
TANAP Azərbaycan, Türkiyə və Gürcüstan hökumətlərinin öhdəlik olaraq götürdüyü bir layihədir. Bu səbəbdən TANAP bu gün hamının diqqətini çəkir. Onun başa çatması üçün bütün səylər göstəriləcək. Bu, Türkiyə üçün də, Avropa üçün də ən yaxşı variantdır, deyə o qeyd edib. -02D-
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz