ABŞ Gürcüstana təhlükəsizliyin təminatı üçün 33 milyon dollar ayırır

Vaşinqton /10.02.23/Turan: Cümə axşamı Bayden administrasiyası Gürcüstana təhlükəsizliyin təmin edilməsi üçün 33 milyon dollar yardım ayırdığını elan edib.

“Gürcüstan üçün risklərin qiymətləndirilməsilə ödəniş qrafikini təqdir etdik, odur ki, Gürcüstan həyati əhəmiyyətli hərbi vasitələri daha asan tələb edə və əldə edə biləcək", -  Pentaqonda müdafiə naziri Lloyd Ostin bildirib.  

Bu bəyanat ABŞ-ın yüksək vəzifəli şəxslərilə görüşmək üçün Vaşinqtona gələn Gürcüstanın müdafiə naziri Juanşerov Burçuladze ilə görüşdə səslənib.

Gürcüstan Rusiyanın təcavüzündən qorunmaq üçün ABŞ-ın Ukraynaya yardımın koordinasiyası  üzrə yaratdığı 50 ölkənin koalisiyasından ibarət Ukraynanın müdafiəsi üzrə kontakt qrupuna daxildir.

"Gürcüstanın kontakt qrupunda iştirakı hamımıza Ukraynanın müdafiə qabiliyyətini və beynəlxalq sərhədləri möhkəmləndirməyə kömək edir ki, bu da təhlükəsizliyimizi təmin edir", - Ostin deyib və "Cənubi Qafqazda təhlükəsizlik və sabitliyə müsbət təsirinə görə” Gürcüstana "dərin minnətdarlığını” bildirib.

Öz növbəsində Burçuladze Gürcüstanı "həm regional, həm də qlobal miqyasda ABŞ-ın etibarlı müttəfiqi və əsas tərəfdaşı" adlandırıb.

"Birlik heç vaxt bugünkü qədər vacib olmamışdı, çünki Rusiyanın Gürcüstan və Ukrayna ərazilərini əsassız, qanunsuz və amansız işğalı sülhü, sabitliyi və beynəlxalq düzən qaydalarına əsaslanan demokratik dünyanı təhlükə altına alır”, - o deyib. 0