Bakı/21.04.18/Turan: "Amerika Birləşmiş Ştatları prezident İlham Əliyev və azərbaycan xalqı ilə demokratiya və insan haqları, fundamental azadlıqlara hörmət, iqtisadi islahatlara və firavanlığa dəstək, və terrorçuluğa qarşı mübarizə kimi məsələlərdə daxil olmaqla müxtəlif səpkidə təmsil olunan sahələrdə işləməyə hazırdır".
ABŞ-ın ATƏT-dəki Missiyasının Azərbaycanda aprelin 11-də keçirilmiş prezident seçkilərinə dair bəyanatında belə yazılır.
ABŞ-ın Azərbaycandakı Səfriliyi xəbər verir ki, bəyanatı müvəqqəti işlər vəkili Harri Kamian tərəfindən təqdim olunub.
"Biz həmçinin ATƏT-in Minsk Qrupu ilə davamlı fəaliyyət göstərərək Dağlıq Qarabağ münagişəsinin dinc həllinin tapilmasınada dəstək verməyə hazırıq", bəyanat bu sözlərlə davam edir.
Sənəddə həmçinin bildirilir ki, ABŞ ATƏT-in seçkilərin müşahidəsi ilə bağlı bəyan olunan ilkin qiymətləndirməsi ilə razıdır.
"İlkin hesabat məhdud siyasi mühit, fundamental prinsiplərin məhdudlaşdırılması, və rəqabət şəraitinin olmaması kimi bir sıra nöqsanları qeyd etmişdir. Seçkilərin təşkilatı yaxşı təşkil və təmin olunduğu vaxtda ATƏT-in müşahidəçiləri seçki prosesininin geniş şəkildə pozulması hallarını, şffaflığın olmamasını və seçki bulletenlərinin saxtalaşdırılması kimi çoxsaylı ciddi pozuntuları qeyd etmişdir".
Bəyanatda Azərbaycan hökuməti problemləri tezliklə aradan qaldırmağa dəvət olunur.
Aprelin 11-də Azərbaycanda növbədənkənar prezident seçkisi keçirilib. Seçki prezident İlham Əliyevin istəyindən asılı olaraq 6 ay önə çəkilib.
Aprelin 15-də MSK səsvermənin ümumi yekunlarına dair protokolun Konstitusiya Məhkəməsinə təqdim olunması barədə qərar qəbul edib. MSK-nın yekun protokoluna əsasən, İ.Əliyev 86.02 faiz səslə prezident seçkilərinin qalibi olub. Qalan 7 namizədin isə 0.74 faizdən 3.12 faizə qədər səs topladığı açıqlanıb.
Aprelin 17-də Konstitusiya Məhkəməsi prezident seçkisinin nəticələrini təsdiq edib. İ.Əliyev növbəti 7 il müddətində Azərbaycanın prezidenti seçilmiş hesab olunub.
Aprelin 18-də də prezidentin andiçmə mərasimi keçirilib.
Bir sıra müxalif qüvvələr seçkinin nəticəsini tanımır. Onlar seçkinin rəqabətsiz mühitdə, kütləvi pozuntularla keçdiyini bəyan ediblər.
Hərçənd, seçkidə uduzan 7 namizəd onun nəticəsini tanımadıqları ilə bağlı hər hansı açıqlama dilə gətirməyiblər.
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz