Novruz Məmmədovun təyin edilməsinin arxasında nə durur?

Bakı/21.04.18/Turan: Novruz Məmmədovun baş nazir təyin edilməsi hakimiyyətdən islahat gözləyənlərə ən yaxşı cavab oldu, bu barədə Demokratik Qüvvələrin Milli Şurasının (DQMŞ) sədri Cəmil Həsənli öz Facebook səhifəsində yazıb. O, Məmmədovun bu yaxınlarda telejurnalist Mirşahinə verdiyi, çoxlarında gülüş doğuran müsahibəsini xatırladıb.

Həsənli Turan-a müsahibəsində Məmmədovun təyin edilməsini "həddindən artıq qeyri-ciddi addım", hökumətin dekorativ xarakterli olmağının təsdiqi adlandırıb. Bu, islahat ümidlərinin xülya olduğunu göstərdi.

ReAl Partiyasının məclis üzvü Natiq Cəfərli hesab edir ki, Məmmədovun təyin edilməsi hakimiyətdaxili elitaların mübarizəsində güzəşt oldu. İki böyük siyasi elita olduğunu qəbul etsək, Məmmədovu hər iki tərəfi qane edən kompromis fiquru hesab etmək olar.

Cəfərli Məmmədovun Nazirlər Kabineti ləğv edilənə qədər keçid fiqurası ola biləcəyini hesab edir. Yeni hakimiyyət vertikalında prezident İnstitutu güclənərkən Nazirlər Kabineti lazımsız qurum kimi görünür. Ola bilər ki, yaxın gələcəkdə vaxtından əvvəl parlament seçkiləri və Nazirlər Kabinetinin ləğv edilməsi haqqında referendum keçirilsin. Hökumətin yerinə sahələr üzrə vitse-prezidentlər ortaya çıxa bilər, Cəfərli belə hesab edir. -06D-