![ABŞ-ın Azərbaycandakı səfiri bir qrup hüquq müdafiəçisi ilə görüşüb](https://turan.az/resized/750/500/resize/media/2013/main/052000036858.jpg)
ABŞ-ın Azərbaycandakı səfiri bir qrup hüquq müdafiəçisi ilə görüşüb
Bazar ertəsi ABŞ səfirliyində səfir Riçard Morninqstarın bir qrup hüquq müdafiəçisi ilə görüşü keçirilib.
Görüşdə ABŞ dövlət departamentinin 2012-ci ildə insan hüquqları sahəsində vəziyyət haqqında hesabatı fonunda Azərbaycanda insan hüquqları və azadlıqları sahəsində vəziyyət müzakirə olunub.
Görüş zamanı insan hüquqları, söz azadlığı və qanunun aliliyi kimi məsələlərə toxunulub.
ABŞ Dövlət Departamentinin apreldə yaydığı dünyada insan hüquqları sahəsində vəziyyət haqqında illik hesabata əsasən, Azərbaycanda ən ciddi problemlər aşağıdakılardır:
1. İfadə azadlığının məhdudlaşdırılması, o cümlədən jurnalistlərin və demokratik fəalların qorxudulması, həbsi, onlara qarşı fiziki təzyiq.
2. Toplaşmaq azadlığının məhdudlaşdırılması.
3. Ədalətsiz məhkəmələr, o cümlədən siyasi motivlərlə həbslər, hakimiyyətin məhkəmələrə təsiri, məhkəməyə qədər uzun müddət həbsdə saxlama.
4. Mülkiyyət hüquqlarının pozulması və lazımi kompensasiya ödənilmədən vətəndaşların zorla evlərindən çıxarılması.
Bundan başqa, polisdə və həbsxanalarda işgəncələr, şəxsi həyatın toxunulmazlığı hüququnun pozulması, bir sıra qeydiyyatdan keçməmiş müsəlman icmalarının dini azadlıqlarının məhdudlaşdırılması, hökumətin bütün səviyyələrində korrupsiya, hüquq-müdafiə QHT-lərinin qeydiyyatından imtina və s.
Azərbaycanlı hüquq müdafiəçilərinin fikrincə, ilin əvvəllərindən etibarən vəziyyət pisləşməkdə davam edib. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz