ABŞ-ın Ukrayna vətəndaşlarına humanitar yardımı təhlükə altındadır

ABŞ-ın Ukrayna vətəndaşlarına humanitar yardımı təhlükə altındadır

Vaşinqton/ 08.01.24/Turan: Bazar günü ABŞ bildirib ki,  Konqres prezident Baydenin təklifini təsdiq etməsə, Ukraynanın mülki əhalisinə əlavə humanitar yardım göstərmək mümkün olmayacaq.

ABŞ Ukrayna daxilində və Ukrayna vətəndaşlarının sığınacaq tapdığı ölkələrdə qida, mənzil təmiri üçün materiallar, tibbi ləvazimatlar, əsas tibbi xidmətlər, həmçinin içməli su kimi mühüm humanitar məhsul və xidmətlərin alınmasını maliyyələşdirir.

"Əgər Konqres prezidentin əlavə sorğusunu təqdir etməsə, USAID milyonlarla ukraynalının gələcək ehtiyaclarını maliyyələşdirə bilməyəcək",- USAID nümayəndəsi Turan-ın  müxbirinə bildirib.

BMT-nin məlumatına görə, 2023-cü ildə Ukraynada 10,1 milyona yaxın adam humanitar yardım alıb. ABŞ-ın humanitar yardımı "Ukraynanın Rusiya təcavüzünə qarşı mübarizəni davam etdirmək üçün ən vacib bazadır",- USAID nümayəndəsi deyib.

Ötən ilin sonunda Senatdakı respublikaçılar prezident Baydenin Ukrayna üçün 61 milyard dolar həcmində  yardım tələbini əngəlləyiblər.

İndiyədək ABŞ Konqresi Ukraynaya 113 milyard dollar həcmində yardımı təsdiqləyib, bunun bir hissəsi Amerika hərbi texnikasının alınmasına sərf edilib.

Nümayəndələr Palatası və Senat üzvlərinin əksəriyyəti  Ukraynanın müdafiəsini nəzərə alaraq yardımı dəstəkləyirlər. Lakin respublikaçılar şərt qoyublar ki, əgər Bayden ABŞ-ın immiqrasiya siyasətini sərtləşdirərsə, Ukraynaya yardım ayrılmasını təsdiqləyərlər.

Öz növbəsində, prezident Bayden xəbərdarlıq edib ki, Ukraynanın məğlubiyyəti "NATO-ya, Avropanın təhlükəsizliyinə və transatlantik münasibətlərin gələcəyinə təsir edəcək".

"Biz öz müttəfiqlərimizi və tərəfdaşlarımızı pis vəziyyətdə qoya bilmərik. Biz Ukraynanı pis vəziyyətdə qoya bilmərik. Tarix azadlıq çağırışına cavab verməyənləri sərt şəkildə qınayacaq", - Bayden deyib. -0-

Rəy yaz

Siyasət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti