ABŞ-ın yeni hərbi attaşesi müdafiə nazirinə təqdim edilib
Bakı/19.07.19/Turan: Bu gün müdafiə naziri Zakir Həsənov ABŞ-ın Azərbaycandakı səfiri Li Litzenberger ilə görüşüb.
Z.Həsənov qeyd edib ki, Azərbaycan ilə ABŞ arasında əlaqələrin NATO proqramları çərçivəsində və ikitərəfli əsasda qurulduğunu qeyd edərək hərbi, hərbi-texniki və hərbi təhsil sahələrində əməkdaşlığın inkişafının vacibliyini diqqətə çatdırıb.
Regionda hərbi-siyasi vəziyyətə toxunan nazir deyib ki, ATƏT-in Minsk Qrupu həmsədrlərinin səylərinə baxmayaraq, Ermənistan-Azərbaycan Dağlıq Qarabağ münaqişəsi Ermənistan tərəfindən bilərəkdən yubadılır.
Öz növbəsində L.Litzenberger qeyd edib ki, ABŞ Azərbaycanın ərazi bütövlüyünü dəstəkləyir və hörmətlə yanaşır. Vaşinqton Dağlıq Qarabağ münaqişəsinin sülh yolu ilə həllinə tərəfdardır ki, bu da Cənubi Qafqazın təhlükəsizliyinin təminatı baxımından vacibdir.
Sonra tərəflər regional və ikitərəfli əməkdaşlıq, Xəzər dənizi və mühüm enerji infrastrukturlarının təhlükəsizliyi, kütləvi qırğın silahlarının yayılmasına qarşı mübarizə, hər iki ölkənin hərbi təhsil üzrə mütəxəssislərinin qarşılıqlı səfərləri, həmçinin maraq doğuran bir sıra digər məsələləri müzakirə ediblər.
Səfir L. Litzenberger ABŞ-ın Azərbaycanda yeni təyin olunan hərbi attaşesi, polkovnik Terri Hemriki müdafiə nazirinə təqdim edib.
Nazir yeni hərbi attaşeni Azərbaycanda fəaliyyətə başlaması münasibətilə təbrik edib, iki ölkə arasında hərbi əməkdaşlığın genişləndirilməsi sahəsində gələcək fəaliyyətində uğurlar arzulayıb.-06D-
-
- Avropa
- 19 İyul 2019 15:52
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz