ABŞ-ın yeni sanksiyaları Gürcüstanın keçmiş baş prokuroruna, Rusiyanın biznes elitasına və bir sıra Türkiyə şirkətlərinə zərər verib

Vaşinqton/15.09.23/Turan: ABŞ Dövlət Departamenti və Maliyyə Nazirliyi cümə axşamı Rusiyaya qarşı, Rusiyaya əvvəlki sanksiyalardan yayınmağa kömək edən və Ukraynaya qarşı müharibəsində ona yardım edən fiziki və hüquqi şəxslərə qarşı yeni böyük sanksiyalar paketini açıqlayıb. Bu barədə bu gün dövlət katibi Entoni Blinken bildirib.

Yeni sanksiyalar Rusiyada 150-dən çox şəxsə və şirkətə, o cümlədən müdafiə naziri Sergey Şoyqu ilə əlaqəsi olan oliqarx Andrey Bokarevə və onun iş tərəfdaşı İsgəndər Mahmudova şamil olunacaq.

"Dövlət Departamenti enerji daşıyıcılarının istehsalında və ixracında iştirak edən, Rusiyanın metallurgiya və mədən sektorlarında işləyən, habelə beynəlxalq sanksiyalardan yayınmağa kömək edən 70-dən çox hüquqi və fiziki şəxə qarşı sanksiyalar tətbiq edir", deyə Blinken qeyd edib. 

Rusiyanın müdafiə nazirinin müavini Aleksey Krivoruçko və Vaqner muzdlu qrupu ilə bağlı olan insanlara da Şimali Koreyadan Rusiyaya silah tədarükünə yardıma görə sanksiyalar şamil edilib.

Sanksiyalar Gürcüstanın keçmiş baş prokuroru, Gürcüstanın hakim "Gürcü arzusu" partiyasının qurucusu Bidzina İvanişvilinin etibarlı adamı Otar Partsxaladzeyə də şamil olunub.

Dövlət Departamentinin məlumatına görə, Rusiyanın Federal Təhlükəsizlik Xidməti Rusiyanın maraqları daxilində Gürcüstan cəmiyyətinə və Gürcüstanın siyasətinə təsir etmək üçün Partsxaladze ilə işləyib.

Türkiyədə az sayda şirkətə və şəxsə də Rusiyanın hərbi səylərinə yardıma görə sanksiyalar şamil olunub. 0