Açiq mənbələrdən foto.
Vaşinqton/19.05.23/Turan: Cümə axşamı Dövlət Departamenti İranı üç nəfərin edamından çəkinməyə çağırıb. Onlar ötən il Tehranda hökumətə qarşı etiraz aksiyalarında iştirak etdiklərinə görə edama məhkum edilmiş Məcid Kazemi, Saleh Mirhaşemi və Səid Yaqubidir.
"Biz İran xalqına və beynəlxalq birliyə qoşuluruq, İranı bu edamları həyata keçirməməyə çağırırıq", - ABŞ Dövlət Departamentinin mətbuat katibinin müavini Vedant Patel brifinqdə bildirib.
"Saxta məhkəmə proseslərindən sonra həmin adamların edam edilməsi insan hüquqlarına təhqir olardı. Məlum olur ki, İran rejimi ötən ilin sentyabrında Məhsa Əmininin ölümündən sonra başlayan etirazlardan nəticə çıxarmayıb. Biz bir daha İran rəhbərliyini qətlləri dayandırmağa, saxta məhkəmə proseslərinə son qoymağa və insan hüquqlarına hörmət etməyə çağırırıq", - Patel deyib.
Turan-ın “Vaşinqton İranın yüksək vəzifəli liderlərinə qarşı sanksiya tətbiq etməyə hazırdırmı?”sualının cavabında Patel deyib ki, Məhsa Əmininin ölümündən sonra İran rejimini məsuliyyətə cəlb etmək üçün ABŞ öz müttəfiqləri və tərəfdaşları ilə "lazımi addımları" atıb. 0
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz