![Vedant Patel](https://turan.az/resized/media/2023/main/051900062398-750-500-resize.webp)
Vedant Patel
ABŞ Moskvada Azərbaycan-Ermənistan danışıqlarına "tam dəstək" vəd edir
Vaşinqton/19.05.23/Turan: Cümə axşamı Vaşinqton "tam dəstək" və "qarşılıqlı fəaliyyətin davam etdirildiyini" elan edib, çünki Ermənistan və Azərbaycan münasibətləri normallaşdırmağa cəhd etmək üçün yaxın günlərdə Moskvada danışıqların yeni raundunu keçirməyə hazırdırlar.
Bu gün xarici işlər nazirləri Ceyhun Bayramov və Ararat Mirzoyan Rusiyanın paytaxtında danışıqlar aparacaqlar, onların liderləri İlham Əliyev və Nikol Paşinyan isə gələn həftə Moskvada görüşmək barədə razılığa gəliblər.
"Biz tam dəstək göstərməyi və ABŞ-ın iştirakını davam etdiririk, çünki bu iki ölkə davamlı və möhkəm sülhü təmin etmək üçün çalışırlar", - Dövlət Departamentinin rəsmi nümayəndəsinin müavini Vedant Patel brifinqdə deyib.
"Biz hesab edirik ki, tərəflər arasında birbaşa danışıqlar çox əhəmiyyətlidir və onların baş tutmasından məmnunuq.
Onlar Arlinqtondamı gedir, ya Brüsseldə, ya Moskvada, fərqi yox, bundan bizim dəstəyimiz dəyişmir", - o qeyd edib.
Turan-ın “Vaşinqton Moskvanın vasitəçilik səylərinə əmindirmi?” sualının cavabında Patel deyib ki, fərziyyələr irəli sürməyəcək. “Biz hesab edirik ki, ölkələr arasında sülh mümkündür və ABŞ istənilən halda davamlı və layiqli sülhü alqışlamağa və onun üzərində işləməyə davam edir".
Eyni zamanda, ABŞ-ın Qafqazda danışıqlar üzrə baş məsləhətçisi Luis Bono "bu məsələ ilə fəal məşğul olmağa davam edir", baxmayaraq ki, Vaşinqton və Moskvanın öz səylərini əlaqələndirə biləcəkləri hələ məlum deyil.
Patel işarə edib ki, ABŞ və Rusiya ikitərəfli münasibətləri dəstəkləyir, "çünki danışmalı olduğumuz məsələlər var", - o, fikrini yekunlaşdırıb. 0
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz