ABŞ kəşfiyyatı Ermənistanla Azərbaycan arasında irimiqyaslı hərbi münaqişəni istisna etmir
Bakı/14.02.18/Turan: ABŞ milli kəşfiyyatının direktoru Daniel Koutsun ofisi fevralın 13-də "Kəşfiyyat birliyi tərəfindən dünya üzrə təhdidlərin qiymətləndirilməsi" adlı hesabat yayıb. Sənəddə Ermənistan və Azərbaycan arasında irimiqyaslı münaqişənin mümkünlüyündən narahatlıq ifadə olunub.
"Mübahisəli Dağlıq Qarabağ ətrafında gərginlik Ermənistanla Azərbaycan arasında irimiqyaslı hərbi münaqişəyə çevriləcək və öz regional müttəfiqinə dəstək üçün Rusiyanın da bura cəlb edilməsi mümkündür", - sənəddə deyilir.
Sonra qeyd olunur ki, tərəflərin kompromisə getmək istəməməsi, daxili bazarda artan təzyiqlər, Azərbaycan hərbi qüvvələrinin davamlı modernləşdirilməsi, Ermənistanın Rusiyadan yeni silahlar alması 2018-ci ildə irimiqyaslı hərbi əməliyyatlar riskini artırır.
28 səhifəlik hesabat dünya üzrə müxtəlif təhdidlərin qiymətləndirilməsini əhatə edir. Ermənistan-Azərbaycan münaqişəsinə dair ancaq yuxarıdakı sətirlər yazılıb.
Milli Kəşfiyyatın direktoru ABŞ prezidentinə tabedir və ABŞ kəşfiyyat birliyi rəhbərinin vəzifəsini icra edir.
ABŞ kəşfiyyat birliyi 17 ayrı icra hakimiyyəti müəssisəsinin kəşfiyyat hərəkətlərini koordinasiya edən, ABŞ milli təhlükəsizliyinin qorunması üçün texniki və agentura vasitəsilə informasiya toplayan məşvərətçi orqandır.0-
Siyasət
-
Mayın 2-də Bakı Ağır Cinayətlər Məhkəməsində hüquq müdafiəçisi İlhamiz Quliyevin cinayət işi üzrə hazırlıq iclası olub. Məhkəmə baxışı mayın 16-na təyin edilib.
-
Avropa İttifaqı yaxın günlərdə Azərbaycanda minatəmizləməyə dəstəklə bağlı yeni təşəbbüsünü açıqlayacaq. Bu barədə cümə axşamı jurnalistlərə Avropa İttifaqının Azərbaycandakı nümayəndəliyinin rəhbəri səfir Peter Mixalko bildirib.
-
Avropa İttifaqı Azərbaycanın güclü tərəfdaşıdır və ifadə, mətbuat və informasiya azadlığı məsələləri bu münasibətlərin bir hissəsidir. Bu barədə cümə axşamı Aİ-nin Azərbaycandakı missiyasının rəhbəri Peter Mixalko mayın 3-də qeyd edilən Ümumdünya Mətbuat Günü ilə əlaqədar jurnalistlərlə görüşündə bildirib.
-
Polis Kirants kəndini mühasirəyə alıb və Ermənistanın müxtəlif rayonlarından ərazilərin Azərbaycana qaytarılması prosesini pozmaq istəyən etirazçıları oraya buraxmır. Hazırda istehkamçıların minatəmizləmə işlərini aparmasına mane olan onlarla etirazçı saxlanılıb.
Rəy yaz