ABŞ Konqresində Azərbaycanla Ermənistana maliyyə yardımına dair dinləmələr keçirilib
Martın 25-də Vaşinqtonda ABŞ Konqresinin dövlət, xarici əməliyyatlar və əlaqədar proqramlar üzrə altkomitəsində Konqres üzvü Kay Grangerin sədrliyi altında dinləmələr keçirilib. Dinləmələrdə ABŞ-da fəaliyyət göstərən bir sıra təşkilatlar komitəni öz fəaliyyətləri barədə məlumatlandırıb və hesabatlarını təqdim ediblər.
“Amerikanın səsi”nin məlumatına görə, ifadə verənlərin sırasında Save the Children, İnternews və UNİCEF kimi təşkilatlar yer alıblar. Bundan əlavə, Amerika Erməni Assambleyasının icraçı direktoru Brayan Arduni, Amerika-Ermənistan Milli Komitəsinin hökümət məsələləri üzrə direktoru Keyt Nahapetyan, eləcə də ABŞ Azərbaycanlıları Şəbəkəsi heyətinin üzvü Bədir Məmmədli çıxış ediblər.
B. Arduni Türkiyə və Azərbaycanın Ermənistana qarşı tətbiq etdiyi sərhəd blokadasına görə Ermənistanın iqtisadi ziyana uğradığını və bunun öhdəsindən gəlmək üçün ABŞ hökümətindən 40 milyon dollarlıq yardım istəyib. Bundan əlavə, Arduni Azərbaycan-Ermənistan sülh danışıqlarında Dağlıq Qarabağın da iştirakının bərpa edilməsini təklif edib. Daha sonra çıxış edən Keyt Nahapetyan ABŞ-Ermənistan münasibətlərindən, son iki ildə baş verən atəşkəs pozuntularından danışıb və ABŞ-ın Azərbaycana hərbi dəstəyi dayandırmasını vurğulayıb.
ABŞ Azərbaycanlıları Şəbəkəsi adından çıxış edən B. Məmmədli xanım Grangeri ABŞ-ın Azərbaycan və Ermənistana ayırdığı yardımında balanssızlıq və Dağlıq Qarabağ münaqişəsi barədə məlumatlandırıb. O həmçinin bildirib ki, ABŞ Ermənistana hərbi yardım göndərməklə həm də Rusiyanın başçılıq etdiyi hərbi ittifaqa dəstək verir. B. Məmmədli ABŞ-ın Ermənistana maliyyə yardımının Ermənistanın Dağlıq Qarabağın işğalını möhkəmləndirməyinə kömək etdiyi üçün bu yardımın dayandırılmasının zəruriliyini vurğulayıb.-03D-
-
- Cəmiyyət
- 27 Mart 2015 12:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz