Vaşinqton/03.04.20/Turan: ABŞ bütün hökumətləri koronavirus pandemiyası şəraitində dini məhbusları azad etməyə çağırır, xəbəri Turan-ın Vaşinqtondakı müxbiri verib.
Dövlət Departamentinin beynəlxalq din azadlığı məsələləri üzrə səfiri Sem Braunbek deyib: "Pandemiya zamanı dini məhbuslar azad edilməlidir. Biz dünyanın bütün hökumətlərini bunu etməyə çağırırıq, bu, ictimai səhiyyə sahəsində atılmış addım olacaq".
Belə məhbusların çox olduğu ölkələr arasında o, Şimali Koreya, Vyetnam və Rusiyanın adını çəkib.
ABŞ-ın beynəlxalq din azadlığı Komissiyasının məlumatına görə, Azərbaycan din və etiqad azadlığını sistemli şəkildə pozur və dini etiqad azadlığının pozulduğu ölkələr siyahısına salınıb.
Hazırda, hüquq müdafiə təşkilatlarının qiymətləndirmələrinə görə, Azərbaycanda 135-ə yaxın siyasi məhbus var və onların yarısından çoxu dini fəaldır. -25B-
Siyasət
-
Ukrayna Prezidenti Volodimir Zelenski Qazaxıstanın Aktau şəhəri yaxınlığında Azərbaycan Hava Yollarına (AZAL) məxsus Embraer 190 təyyarəsinin qəzaya uğramasından sonra Rusiyaya təzyiqin artırılmasına çağırıb. Zelenski bu fikri 22 yanvarda Davosda keçirilən Dünya İqtisadi Forumunda Azərbaycan Prezidenti İlham Əliyevlə görüş zamanı səsləndirib.
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
Rəy yaz