Açiq mənbələrdən foto.
ABŞ Rusiya və Belarusa sərt sanksiyalar tətbiq edir və daha çoxunu vəd edir
Vaşinqton/03.03.22/Turan: Çərşənbə günü Bayden administrasiyası Putinin Ukraynaya təcavüzü ilə əlaqədar Rusiyaya və onun müttəfiqi Belarusa əlavə sanksiyalar elan edib. Bu barədə Turan-ın Vaşinqton müxbiri bildirib.
"Bizim koordinasiyamız nəticəsində Rusiya qlobal iqtisadi və maliyyə baxımdan kənarlaşmış vəziyyətə düşdü... Putin eskalasiyaya davam etdikcə biz də bunu davam etdirəcəyik", - Ağ Evin bəyanatında deyilir.
Yeni tədbirlər arasında Rusiya Silahlı Qüvvələri üçün hərbi təyyarələr, piyada döyüş maşınları, elektron döyüş sistemləri, raketlər və pilotsuz uçuş aparatları istehsal edən 22 müdafiə şirkətinə qarşı sanksiyalar da var.
Bugünkü sanksiyalara aşağıdakılar daxildir:
*Rusiyaya texnologiya və proqram təminatını göndərə bilməməsi üçün Belarusa texnoloji malların göndərilməsinə qadağa. Bu, Rusiya və Belarusun Ukraynaya qarşı təcavüzü dəstəkləmək imkanlarını ciddi şəkildə məhdudlaşdıracaq.
*Rusiya müdafiə müəssisələrinin tam bloklanması. Bu, silahların hazırlanmasını və istehsalını xeyli çətinləşdirəcək. Ümumilikdə, siyahıya hərbi təyyarələr, piyada döyüş maşınları, elektron döyüş sistemləri, raketlər və pilotsuz uçuş aparatları istehsal edən 22 müdafiə müəssisəsi daxildir.
*Neft və qaz hasilatı texnologiyalarının ixracına qadağa. Bu, Rusiyanın iri enerji resursları tədarükçüsü kimi statusunu aşağı salacaq.
*Rusiya və Belarus silahlı qüvvələrinə dəstəkləyən təşkilatların təqib edilməsi. Bu sanksiyalar Rusiyanın aerokosmik, dənizçilik və yüksək texnologiya sektorlarını ən yeni texnologiyalardan məhrum edəcək.
*Rusiya təyyarələrinin ABŞ-ın daxili hava məkanına girməsinə və ondan istifadəsinə qadağa. Bu, Rusiya aviaşirkətlərinin – həm sərnişin, həm də yük – ABŞ-a və geriyə reysləri yerinə yetirməkdən məhrum olunmasını əhatə edir. --25B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz