Açiq mənbələrdən foto.
Vaşinqton/08.04.22/Turan: Cümə axşamı ABŞ Dövlət Departamenti Rusiyanın daha iki dövlət müəssisəsinə bloklayıcı sanksiyalar tətbiq edib, Turan-ın Vaşinqton müxbiri bildirib.
Bu, “Birləşmiş Gəmidüzəltmə Korporasiyası” və onun 28 törəmə şöbəsi, eləcə də korporasiyanın Direktorlar Şurasının səkkiz üzvüdür. Bu, Rusiyanın ən böyük dövlət korporasiyalarından biridir. Ukraynanın şəhərlərini atəşə tutan döyüş gəmilərini hazırlayan və inşa edən həmin şirkətdir.
İkinci dövlət korporasiyası almaz hasilatçısı olan "Alrosa" şirkətidir. Rusiya hökumətinin nəzarətində olan şirkət öz gəlirlərilə Ukraynaya qarşı müharibənin maliyyələşdirilməsinə yardım edir.
“Bu qərar Rusiyaya təzyiqi artırmaq məqsədi daşıyır. Kreml Ukraynaya və onun xalqına amansız hücumlarını davam etdirdikcə, biz də sanksiyaları davam etdirəcəyik”, - dövlət katibi Entoni Blinken deyib. -02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz