ABŞ səfiri məcburi köçkün məktəbinə �Amerikan Rəfi� adlı böyük kitab kolleksiyası hədiyyə edib
Bakı/21.02.18/Turan: Fevralın 21-də ABŞ-ın Azərbaycandakı səfiri Robert Sekuta və xanımı Anna Sekuta Bakının Yeni Qala qəsəbəsində məcburi köçkünlər üçün nəzərdə tutulmuş məktəbin kitabxanasına həm ingilis, həm də azərbaycan dillərində dünya klassiklərinin kitablarından və uşaq kitablarından ibarət "Amerikan Rəfi" adlı böyük kolleksiyası hədiyyə edib.
Məktəb ABŞ Səfirliyinin dəstəyi ilə inşa edilib və 2007-ci il fevralın 21-də istifadəyə verilib.
Təqdim etmə məraismində məktəb kollektivi, Xəzər rayon İcra Hakimiyyətinin ictimai-siyasi və humanitar məsələlər şöbəsinin müdiri Gülbala Qurbanov, ABŞ Səfirliyinin Hərbi Əməkdaşlıq Şöbəsi tərəfindən Komandir Jay Mihal və Mayor Stephen Garvin iştirak edib.
Məktəbin mövcud olduğu on il ərzində səfirliyin Yeni Qala məktəbinə göstərdiyi dəstək nəticəsində məktəb daha böyük sinif otaqları, müasir avadanlıq və sağlam şəraitlə təmin edilərək tədris imkanlarını 5000-dən çox uşaq üçün inkişaf etdirib.
Belə təhsil bazası məcburi köçkün uşaqlarının özləri üçün, cəmiyyət üçün və bütövlükdə Azərbaycan üçün güclü gələcək formalaşdırmasına imkan yaradacaq.
Məlumatda deyilir ki, Yeni Qala məktəbi Birləşmiş Ştatların Müdafiə Departamentinin Humanitar Dəstək Proqramının Azərbaycanda tikintisinə dəstək göstərdiyi sayca on üçüncü məktəbdir. Həmin proqramın bir hissəsi olaraq səfirlik 2018-ci ildə Bərdənin Güloğlular kəndində məcburi köçkünlər üçün tikiləcək on yeddinci məktəbin tikintisinə dəstək göstərməyi planlaşdırır.
1991-ci ildən etibarən ABŞ Azərbaycana dəstək məqsədilə 1,3 milyard dollar vəsait yatırıb. 2003-cü ildən etibarən ABŞ-ın Müdafiə Departamenti Azərbaycanda məcburi köçkünlərin yaşayışının və yaşayış şəraitinin təkmilləşdirilməsinə yönəlmiş humanitar dəstək layihələrinin, o cümlədən məktəblərin tikintisinə və su layihələrinə 5.5 milyon dollardan çox vəsait ayırıb. Ümumilikdə, ABŞ 1991-ci ildən etibarən məcburi köçkünlərə göstərilən dəstək üçün Azərbaycanı 125 milyon dollardan artıq vəsaitlə təmin edib. -03C-
Siyasət
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
-
"Sərhədsiz Reportyorlar"ın 2024-cü il üçün illik Mətbuat Azadlığı İndeksində Azərbaycan 180 ölkə arasında 164-cü yerə yerləşdirilib.
Rəy yaz