ABŞ Ukraynaya 725 milyon dollarlıq əlavə hərbi yardım göndərib

Vaşinqton/10.15.22/Turan: Cümə günü Ağ Ev Ukraynaya 725 milyon dollara yaxın əlavə hərbi yardım elan edib, Turan-ın Vaşinqton müxbiri bildirib.

Yeni silah partiyası Bayden administrasiyası dövründə Ukraynaya ümumi hərbi yardımı 18,3 milyard dollara çatdıracaq.

Pentaqon da öz növbəsində yardımı belə açıqlayıb:

- yüksək mobil artilleriya raket sistemləri üçün əlavə döyüş sursatları (HIMARS);

- 23.000 155 millimetrlik artilleriya mərmisi;

- 500 yüksək dəqiqlikli 155 millimetrlik artilleriya mərmisi;

- məsafədən tank əleyhinə minaatan üçün 5000 155 millimetrlik mərmi (RAAM);

- 5000 tank əleyhinə raket;

- yüksək sürətli antiradar raketləri (HARM);

- 200-dən çox yüksək hərəkətli təkərli nəqliyyat vasitələri (HMMWV);

- atıcı silahlar və onlar üçün 2 000 000-dan çox patron;

- dərmanlar.

Cümə günü günorta jurnalistlərə açıqlama verən Pentaqonun yüksək vəzifəli nümayəndəsi bildirib ki, hava hücumundan müdafiə vasitələri Ukrayna qüvvələrinə “çox lazımdır”. ABŞ,  onun müttəfiqləri və tərəfdaşları bu vasitələrin Ukraynaya çatdırılması üzərində işləyirlər. O deyib ki, son vaxtlar Ukraynanın böyük şəhərlərinə yüzlərlə raket atılıb. Ukrayna qüvvələri onları məhv etməkdə müəyyən uğurlar əldə edib, lakin onlara daha çox hava hücumundan müdafiə vasitələri lazımdır.

Bu arada, Xersonda Ukrayna qüvvələri üç istiqamətdə rusiyalılara hücum edirlər. Ukraynalılar bəzi kənd və qəsəbələri azad ediblər və hücumlarını davam etdirirlər.

Hava hücumundan müdafiəyə gəlincə, bu, çox bahadır. Vurulan hər raket və ya təyyarə üçün bir neçə raketdən istifadə olunur. Bu qədər sayda raketin tədarükü və ümumilikdə hava hücumundan müdafiənin möhkəmləndirilməsi Ukraynanın müdafiəsi üçün əsas məqamdır. ABŞ müttəfiqləri və tərəfdaşları ilə birlikdə bunun üzərində işləyir, Pentaqon nümayəndəsi bildirib ki.