ABŞ Ukraynaya yeni, böyük hərbi yardım paketini elan edib

Bazar ertəsi ABŞ bildirib ki, Ukraynaya 725 milyon dollar məbləğində hərbi yardım göndərəcək, Turan-ın Vaşinqton müxbiri bildirib.

Dövlət katibi Entoni Blinken paketi "əhəmiyyətli" adlandırıb və bildirib ki, "Rusiyanın hücumlarından qorunmaq üçün ukraynalı tərəfdaşlara zəruri silah və avadanlıq" veriləcək.

Paketə Stinger raketləri; pilotsuz təyyarələrə qarşı hərbi sursatlar; raket sistemləri (HIMARS) üçün hərbi sursatlar; 155 millimetr  və 105 millimetr çaplı artilleriya mərmiləri; pilotsuz uçuş aparatları (UAS); piyada əleyhinə minalar; Javelin və AT-4 tank əleyhinə sistemlər; optik izləmə, idarə olunan raketlər ((TOW); atıcı silahlar və hərbi sursatlar; partlayış avadanlıqları və hərbi sursatları; mühüm infrastrukturu qorumaq üçün avadanlıq; ehtiyat hissələri, köməkçi avadanlıqlar, təlim və nəqliyyat daxildir ", - Blinken öz bəyanatında bildirib.

Ağ Ev ayrıca bəyanatda bildirib ki, prezident Bayden materialların Ukraynaya tez çatdırılması üçün Müdafiə Nazirliyinə göstəriş verib.

"Ukraynanın öz azadlığını və müstəqilliyini qorumasına kömək etmək üçün hazırki andan yanvarın ortalarına qədər yüz minlərlə əlavə top mərmisi, minlərlə əlavə raket və digər mühüm vasitələr göndərəcəyik", - Milli təhlükəsizlik üzrə müşavir Ceyk Sallivan deyib. O qeyd edib ki,  prezident Bayden Ukraynanın uzun mənzilli raketlərdən istifadəsini sanksiyalaşdırıb.

"ABŞ Rusiya hərb maşınını dağıtmaq üçün  Rusiyanın maliyyə sektoruna böyük sanksiyalar tətbiq edib və bunun ardınca daha böyük sanksiyalar gəlir", - o əlavə edib.