![Abzas Media F.Mehralızadənin bu nəşrlə heç bir əlaqəsi olmadığını bildirir](https://turan.az/resized/news/2024/SQQXYfloOYmo0Ief4unUXHGvXN3Ub7uadjok1sna-750-500-resize.webp)
Abzas Media F.Mehralızadənin bu nəşrlə heç bir əlaqəsi olmadığını bildirir
Abzas Media F.Mehralızadənin bu nəşrlə heç bir əlaqəsi olmadığını bildirir
Qaçaqmalçılıq ittihamı ilə həbs edilmiş iqtisadçı Fərid Mehralızadənin Abzas Media-nın işi ilə heç bir əlaqəsi yoxdur, bu barədə adı çəkilən nəşrin müvəqqəti rəhbərliyinin yaydığı bəyanatda deyilir.
Fərid Mehralızadə iyunun 1-də Abzas Media əməkdaşlarına qarşı cinayət işi çərçivəsində saxlanılıb.
Abzas Media-nın altı jurnalisti həbs edildikdən sonra bu nəşrlə heç bir əlaqəsi olmayan onlarla şəxs dindirilməyə çağırılıb.
Bu iş üzrə Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli və parlamentin fəaliyyətinin monitorinqini həyata keçirən platformanın rəhbəri İmran Əliyev də həbs olunub, deyə məlumatda qeyd edilir.
"Fərid Mehralızadənin də Abzas Media ilə heç bir əlaqəsi olmayıb, o, bir neçə dəfə saytımıza açıqlama verən yüzlərlə ekspertdən biri kimi suallarımızı cavablandırıb. İqtisadçı paralel olaraq hökumətə yaxın media orqanlarında da ekspert kimi çıxış edib", deyə sənəddə bildirilir.
"Biz Azərbaycan hökumətini Vətəndaş Cəmiyyəti fəallarını heç bir sübut olmadan, saxta faktlar düzəltməklə “Abzas Media işi”nə cəlb edilməsinə son verməyə çağırırıq.
Abzas Media-nın şərlənərək həbs edilmiş əməkdaşları Ülvi Həsənli, Məhəmməd Kekalov, Sevinc Vaqifqızı (Abbasova), Hafiz Babalı, Nərgiz Absalamova, Elnarə Qasımova daxil olmaqla, repressiyaya məruz qalmış bütün digər şəxslərin dərhal azadlığa buraxılmasını tələb edirik", deyə nəşrin bəyanatında bildirilir.
-
- Bazarların icmalı
- 3 İyun 2024 14:47
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz