"Abzas Media"nın həbsdə olan jurnalistlərin təzyiqə məruz qaldıqları bildirilir. Jurnalistlərin yaxınlarının məlumatına görə, Nərgiz Absalamova saxlandığı 1 saylı Bakı İstintaq Təcridxanasında noyabrın 14-də nəzarətçi tərəfindən təhqirə məruz qalıb.
Həmin günü axşam vaxtı digər nəzarətçi N.Absalamovanı təhqir edib və qolundan xəsarət yetirib. Jurnalistlərin yaxınları qeyd edib ki, noyabrın 15-də bir qrup məhbus qadın Nərgizi Absalamovanı və digərlərinə təzyiq etməyə çalışıb: "Sevinc Vaqifqızı ilə Elnarə Qasımova isə buna etiraz ediblər və qarşılığında onlar da nəzarətçilərin təzyiqinə məruz qalıblar". Məsələ ilə bağlı Penitensiar Xidmətindən münasibət öyrənmək mümkün olmayıb.
Siyasət
-
"Sərhədsiz reportyorlar" mətbuatı müdafiə təşkilatı “Meydan” TV-nin əməkdaşlarının həbsini pisləyib. Təşkilatın X platformasındakı hesabında yayılan məlumatda deyilir: "Sərhədsiz reportyorlar" bu yeni həbsləri pisləyir, onları və uydurma ittihamlarla rüsvayçı şəraitdə saxlanılan digər 13 jurnalisti dərhal azad etməyə çağırır".
-
“Meydan” TV ilə əməkdaşlıq edən jurnalistlərin həbsini dərin təəssüf hissi ilə qarşıladım. Azad və müstəqil mətbuat istənilən demokratiyanın mühüm elementidir. Jurnalistlər həbs, hədə və zorakılıq qorxusu olmadan məsələləri işıqlandıra bilməlidirlər”, - şənbə günü Böyük Britaniyanın Azərbaycandakı səfiri Ferqüs Old X platformasındakı hesabında yazıb.
-
Nyu-Yorkda yerləşən Jurnalistlərin Müdafiəsi üzrə Beynəlxalq Komitə Azərbaycanda altı jurnalistin və KİV əməkdaşının, o cümlədən “Meydan” TV-nin 5 əməkdaşının və bir jurnalist-frilanserin saxlanılmasını pisləyib.
-
Cümə gecəsi Tbilisidə gürcü xüsusi təyinatlıları üç günlük etiraz aksiyalarında ilk dəfə olaraq hökumət əleyhinə nümayişçiləri Rüstəveli prospektindən dağıtdı. Hakimiyyət nümayişçiləri Gürcüstan Parlamenti yaxınlığındakı ərazidən uzaqlaşdırmaq üçün su şırnaqları və gözyaşardıcı qazdan istifadə etdi. Bir neçə etirazçı saxlanılıb.
Rəy yaz