ADR Moskva Bəyannaməsinə etiraz edir

Bakı/23.02.22/Turan: ADR Partiyası Moskva  Bəyannaməsini Azərbaycanın xarici siyasət,  təhlükəsizlik,  iqtisadi və  hərbi ticarətlə  bağl  müstəqil dövlət siyasəti yeritməsinə baryerlər yaradacaq. Azərbaycan Demokratiya və Rifah (ADR) Partiyası bunu 2022-ci il fevrlaın 22-də Rusiya Federasiyası və Azərbaycan Respublikası arasında müttəfiqlik qarşılıqlı fəaliyyəti haqqında Bəyannaməyə dair yaydığı mövqe sənədində bildirir.

Partiya Bəyannaməni Rusiyanın maraqlarına xidmət edən, 2021-ci il iyunun 15-də Azərbaycan prezidenti İlham Əliyev və Türkiyə prezidenti Rəcəb Tayyub Ərdoğan Şuşa şəhərində imzalanmış bəyannaməyə zidd olan,  Ukrayna böhranı ilə bağlı yaranmış beynəlxalq situasiyada Azərbaycana utanc gətirən sənəd kimi qiymətləndirir.

ADR Partiyası hesab edir ki, Moskva Bəyannaməsi Azərbaycan Konstitutsiyasına və ölkənin tərəfdar çıxdığı, üzv olaraq indiyədək imzaladığı və ratifiksiya etdiyi  beynəlxalq saziş və konvensiyalarda götürdüyü öhdəliklərlə  ziddiyyət təşkil edir.

Partiyaya görə, Bəyannamə Rusiyanın Azərbaycana qoşun yeritməsinə şərait yaradır.  

ADR Prtiyası hesab edir ki, hərbi təyinatlı məhsulların müxtəlif növlərinin birgə istehsalının təşkili üzrə səylərini fəallaşdırırmasını Azərbaycanın Rusiyadan silah alması öhdəliyi və Azərbaycana hərbi təzyiqi kimi dəyərləndirir.

Sənədə görə Moskva Bəyannaməsi Azərbaycanın  sivil dünyadan uzaqlaşdırılması, suveren dövlət hüquqlarının məhdudlaşdırılması deməkdir .  Bundan irəli gələrək ADR Hərəkatı Moskva bəyannaməsinə qəti etiraz edir. -05D-