ADR Partiyası Qarabağ danışıqlarının gündəliyi barədə
Bakı/24.05.22/Turan: ADR Partiyası Azərbaycan və Ermənistan arasında keçirilən danışıqlar prosesini yaxından izləyir, Brüsseldə Avropa İttifaqı Şurasının prezidenti Şarl Mişelin vasitəçiliyi ilə Azərbaycan prezidenti Əliyev və Ermənistanın baş naziri Paşinyan ilə üçtərəfli görüş formatınını tədqir edir və sülh müqaviləsi imzalanana qədər bu formatda görüşlərin intensiv keçirilməsini məqsədəuyğun sayır. Bu barədə partiyanın bəyanatında bildirilir.
ADR Partiyası Avropa İttifaqı Şurasının prezidenti Şarl Mişelin bəyanatında qeyd olunan nəticələr üzrə dövlətlərarası Sərhəd Komissiyalarının ilk birgə iclasının təşkilini, nəqliyyat əlaqələrinin bərpa olunmasını, Ermənistan və Azərbaycan arasında dövlətlərarası münasibətləri tənzimləyən gələcək sülh müqaviləsi ilə bağlı müzakirələri davam etdirmək barədə razılıqın əldə edilməsini, həmçinin əhalinin uzunmüddətli davamlı sülhə hazırlanmasının vacibliyini müsbət qiymətləndirir.
ADR Partiyası Qarabağdakı etnik erməni əhalisinin hüquqlarının və təhlükəsizliyinin təmin edilməsi yolu ilə onların bərabərhüquqlu vətəndaş olaraq Azərbaycana inteqrasiyasını, ərazi prinsipinə əsaslanan siyasi statusun müzakirədən çıxarılmasını məqsədəuyğun hesab edir.
ADR Partiyası hesab edir ki, danışıqların predmetinə Qarabağda yaşayan etnik ermənilərlə yanaşı işğaldan öncə Dağlıq Qarabağda yaşamış azərbaycanlıların da dogma yurdlarına qayıdışının təmin olunması, Qazax rayonunun 7 və Naxçıvanın Kərki kəndlərinin işğaldan azad edilməsi, 1-ci Qarabağ müharibəsi zamanı əsir düşmüş vətəndaşlarımızın sonrakı taleyinin araşdırılması da daxil edilməlidir.
ADR Partiyası sərhədlərin delimitasiyası və demarkasiyası ilə yanaşı Laçın ərazisində Azərbaycanın nəzarəti altında sərhəd buraxılışı və gömrük nəzarət məntəqəsinin yaradılmasını təklif edir.
ADR Partiyası ABŞ prezidenti Cozef Baydenin Respublika günü ilə bağlı İ.Əliyevə ünvanladığı təbrik məktubunda Azərbaycan hakimiyyətini bütün azərbaycanlıların hüquqlarını və fundamental azadlıqlarını qoruyan demokratik idarəetmə və islahatlar istiqamətində məqsədyönlü addımlar atması çağırışını dəstəkləyir və hakimiyyətdən bu istiqamətdə praktiki fəaliyyət gözləyir.
ADR Partiyası Azərbaycanda demokratikləşmə prosesinə başlamaq üçün ilk növbədə sərbəst toplaşma, sərbəst birləşmə, söz, fikir və mətbuat azadlığının təmin edilməsinin, vətəndaş cəmiyyətinin və siyasi partiyaların qeydiyyatına, fəaliyyətinə yaradılmış hüquqi və institutsional baryerlərin aradan qaldırılmasının, son zamanlar artan siyasi represiyaların və zorakılıqların dayandırılmasının, 28 may Müstəqillik günündə nəzərdə tutulan Əfv fərmanı ilə siyasi məhbusların qeyd-şərtsiz və dərhal azad olunmasının vacibliyini bəyan edir və hakimiyyəti bu istiqamətdə real addımlar atmağa çağırır.—06D-
-
- İqtisadiyyat Göstəriciləri
- 23 May 2022 22:21
-
- Siyasət
- 24 May 2022 08:06
Siyasət
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
Rəy yaz