Ağ Ev Putini ABŞ-dakı seçkilər barədə danışmağa son qoymağa çağırıb
Cümə axşamı Ağ Ev Rusiya prezidenti Vladimir Putinə kəskin cavab verərək onu ABŞ-da prezident seçkilərinə müdaxilə etməməyə çağırıb.
"Putin bizim seçkilərdən danışmağa son qoymalıdır və nöqtə... ABŞ-ın növbəti prezidentinin kim olacağını müəyyən edəcək yeganə xalq Amerika xalqıdır", - ABŞ Milli Təhlükəsizlik Şurasının nümayəndəsi Con Kirbi jurnalistlərə bildirib, Turan-ın Vaşinqton müxbiri məlumat verib.
Kirbi Putinin Şərq İqtisadi Forumu zamanı verdiyi son bəyanatı cavablayıb. Belə ki, Putin deyib ki, növbəti prezident seçkilərində Kamala Harrisin qalib gəlməsini istəyir, çünki onun "mənalı və yoluxucu gülüşü var".
"Cənab Putin bizim seçkilərimiz haqqında danışmağa son qoysa və onlara müdaxilə etməyi dayandırsa, çox minnətdar olarıq",- Kirbi deyib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz