Karine Jean-Pierre
Ağ Ev: Putinin qazdan silah kimi istifadə etmək cəhdləri yalnız Qərbin birliyini möhkəmləndirir
Vaşinqton/10.09.22/Turan: "Putinin neft və qazdan silah kimi istifadə etmək cəhdləri yalnız bizim birliyimizi və qətiyyətimizi gücləndirir", bu barədə cümə günü Ağ Evin mətbuat katibi Karin Jan-Pyer Avropanın enerji böhranından artan narahatlığını şərh edərkən bildirib.
"ABŞ prezidenti və Avropa Komissiyasının rəhbəri hələ martda birgə işçi qrup yaradıb. Biz artıq bir neçə aydır ki, Avropa üçün alternativ təbii qaz mənbələrinin artırılması üzərində işləyirik və Avropanın Rusiya enerjisinə tələbatını azaltmağa kömək edirik", deyə o əlavə edib.
Ağ Evin şərhi cümə günü dövlət katibi Entoni Blinken Avropalı müttəfiqlərini Putinin enerji daşıyıcılarının qiymətlərini manipulyasiya etməklə, bu qış onları "qorxutmaq" cəhdlərinə qarşı "möhkəm dayanmağa" çağırdığı bir vaxtda səslənib.
"Putin bu addımların Avropanı Ukraynanı dəstəkləməməyə məcbur edəcəyinə ümid edir. Biz Avropalı dostlarımızı yalnız qoymayacağıq". 0
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz