Ağstafanın icra başçısını və iki müavinini evdən aparıblar (yenilənib)

Bakı/19.12.19/Turan: Ötən gecə güc qurumlarının işçiləri Ağstafa rayon icra başçısını və onun iki müavinini evdən aparıblar. Gələn şəxslər maskalı olublar və qara avtomobillərlə gəliblər.

Saxlanılan şəxslərin ailə üzvləri heç bir açıqlama vermir. Yerli əhalinin baş verənlərin səbəbi haqqında məlumatı yoxdur. Bu barədə Turan agentliyinə adının çəkilməsini istəməyən məlumatlı mənbə bildirib.

Bu şəxslərin saxlanılmasının korrupsiya ilə bağlı olduğunu ehtimal etmək üçün əsaslar var.

Təsdiq edilməmiş məlumatlara görə, saxlanılan şəxslər Bakıya gətirilib. -03B-

*   *   *

2019 Dekabr 19 (Cümə axşamı) 13:43:45

Ağstafanın icra başçısının başına nə gəlib?

Bakı/19.12.19/Turan: Ağstafa rayon İcra Hakimiyyəti yerli KİV-lərin dekabrın 19-da rayonun icra başçısı Nizaməddin Quliyev və müavini Ramiz Tatarovun Dövlət Təhlükəsizlik Xidmətinin (DTX) əməkdaşları tərəfindən saxlanılması haqqında yaydığı məlumatı təkzib edib.

Rayon icra başçısının köməkçisi Turan agentliyinə Quliyevin saxlanıldığı barədə məlumatı təkzib edib. "Quliyev və müavini işdədir", deyə köməkçi telefon söhbətində bildirib.

Ağstafa rayon prokurorluğundan bu məsələ ilə bağlı hər hansı məlumata malik olmadıqlarını və rayon icra başçısına qarşı hər hansı cinayət işinin olmadığını bildiriblər.

DTX nümayəndələrindən şərh almaq mümkün olmayıb.

Bir sıra yerli KİV-lərin məlumatına görə, Quliyev rüşvət alarkən saxlanılıb. Quliyev bundan əvvəl Goranboy rayonunun icra başçısı. -06D-