Bakı/07.06.18/Turan: Avropa İttifaqı Lənkəran iqtisadi rayonuna dəstəyin gücləndirilməsi yolu ilə Azərbaycanın iqtisadi diversifikasiyasının dəstəklənməsini davam etdirəcək. Bu barədə Aİ-nin Bakı missiyasının məlumatında deyilir.
Aİ yerli səviyyədə sosial-iqtisadi inkişafa və Bakı ilə ölkənin digər regionları arasında fərqin azalmasına yardım məqsədilə 13 milyon avrodan çox vəsait ayıracaq.
Lənkəran rayonunda istehsalat həcmi azdır və adambaşına gəlirin səviyyəsi, həmçinin adambaşına investisiyanın səviyyəsi azdır.
Eyni zamanda rayonun bağçılıq məhsullarının istehsalı sahəsində böyük potensialı var. Aİ-nin proqramı regionun tərəvəz sektorunda rəqabət qabiliyyətinin artırılmasına yönələcək.
Avropa komissiyasının genişlənmə və qonşuluq siyasəti üzrə Baş Direktorluğunun qonşuluq üzrə Şərq istiqamətinin direktoru Lores Meredit bu gün Lənkərana gedib. O, yerli hakimiyyət orqanlarının nümayəndələri ilə görüşəcək, Aİ tərəfindən dəstəklənən Cəlilabad peşə məktəbində olacaq, Lənkəran Dövlət Universitetinin tələbələri ilə görüşəcək.
"Azərbaycan üçün Aİ-nin dəstəyi ölkə boyunca görünən nəticələrin təminatına və vətəndaşların faydalanmasına yönəlib. Əsas məqsədimiz Lənkəran rayonunun həm milli, həm də beynəlxalq səviyyədə rəqabət qabiliyyətini artırmaqdır".
Aİ Azərbaycan hökumətilə Aİ standartlarına uyğun olaraq regional ərazi planlaşdırılması sahəsində, iqtisadiyyat və birliklər sahəsində yerli xabların əməkdaşlıq şəbəkəsinin yaradılmasında, həmçinin sahibkarlıq fəaliyyəti üçün şəraitin yaxşılaşdırılmasında və tərəvəz sektoruna investisiya qoyuluşunda əməkdaşlıq etməyi planlaşdırır.
Bu tədbirlərin meyvə və tərəvəzin bazara çıxarılmasının inkişafına yardım göstərəcəyi gözlənilir. Bu da öz növbəsində biznesin aparılması üçün şəraitin yaxşılaşmasına zəmin yaradacaq.
Kənd ərazilərinin və regionların inkişafı sahəsində yeni yardım paketi Aİ və Azərbaycan arasında ölkənin iqtisadi diversifikasiyası üzrə fəaliyyət proqramı üçün mühüm olan bəzi istiqamətlərdə əməkdaşlığı gücləndirəcək.
Bu istıqamət həm də regionda iqtisadi dayanıqlığın təminatı üçün əsas sahədir.
Kənd ərazilərinin və regionların inkişafının dəstəklənməsi Aİ-nin Azərbaycana yardımında prioritet istiqamətlərdən biridir, məlumatda deyilir.-02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz