Aİ məcburi köçkünlər üçün layihələr nəzərdə tutur

Bakı/08.01.18/Turan: Qaçqınların və Məcburi Köçkünlərin İşləri üzrə Dövlət Komitəsinin sədri, Əli Həsənov yanvarın 8-də Avropa İttifaqının ölkəmizdəki nümayəndəliyinin yeni təyin olunmuş rəhbəri Kestutis Yankauskas ilə görüşüb.

Ə.Həsənov Ermənistan Silahlı Qüvvələrinin Azərbaycana hərbi təcavüzü nəticəsində torpaqların 20 faizinin işğal olunduğunu bildirib.

Əli Həsənov qeyd edib ki, münaqişənin Azərbaycanın ərazi bütövlüyü çərçivəsində ədalətli həlli ilə bağlı mötəbər beynəlxalq qurumların, o cümlədən BMT Təhlükəsizlik Şurasının, ATƏT-in, Avropa Parlamentinin, Avropa Şurası Parlament Assambleyasının, qərar və qətnamələrin tələblərini hələ də yerinə yetirmir. Məsələnin həlli ilə məşğul olan ATƏT-in Minsk qrupu 25 ildən artıq fəaliyyət göstərsə də, ortaya heç bir səmərəli nəticə qoymayıb", deyə komitə sədri beynəxalq qurumların fəaliyyətinə münasibət ifadə edib.
Komitə sədri hesab edir ki, problemin həlli üçün beynəlxalq qurumların qətnamələri yerinə yetirilməli, Azərbaycanın ərazi bütövlüyü təmin edilməlidir.

Ə.Həsənov Avropa İttifaqı tərəfindən ölkədə fəaliyyəti dövründə məcburi köçkünlər üçün hər biri 200 yığma evdən ibarət 16 fin qəsəbəsinin salınmasını xatırladıb: "O zaman Azərbaycan hökumətinin iqtisadi baxımdan heç bir imkanı yox idi. Əgər bu humanitar təşkilatlar o vaxt ölkəyə gəlməsəydilər, ölkədə humanitar fəlakət yaranardı".
Avropa İttifaqının Azərbaycan nümayəndəliyinin rəhbəri

K.Yankauskas məcburi köçkünlərin məskunlaşdığı qəsəbələrə səfər etməyi və gələcəkdə onlar arasında müvafiq inkişaf layihələrinin həyata keçirilməsini nəzərdə tutduqlarını bildirib. -05D06-