Aİ prezidenti demokratiyanı tədricən qurmağı təklif edir

Avropa İttifaqı Şurasının prezidenti Herman van Pompey Azərbaycanın vətəndaş cəmiyyəti institutlarının demokratiyanın inkişafı və Azərbaycan-Aİ əlaqələrinin genişlənməsində iştirak etməsinə tərəfdar olduğunu deyib. Cümə axşamı Dillər İnstitutunda çıxışı zamanı o bildirib ki, Avropa ölkələrində məhz vətəndaş cəmiyyəti institutları uzun müddət qarşıdırmada olan və müharibə aparmış ölkələr arasında sülh və əməkdaşlığın qurulmasında vacib rol oynayıb. 

    O, eyham vurub ki, Azərbaycanla Ermənistan tənzimləmə üzrə Avropa təcrübəsindən istifadə etməlidir. 

     Prezident qeyd edib ki, Aİ ATƏT-in Minsk Qrupu çərçivəsində Madrid prinsipləri bazasında tənzimləmə prosesinə dəstək verəcək, sülh bağlanandan sonra müharibədən ziyan çəkən bölgələrin bərpasında iştirak edəcək. Eyni zamanda, o, Aİ-nin atəşkəsin pozulmasından qayğılandığmı bildirib və tərəfləri zorakılıqdan çəkinməyə çağırıb. 

  Pompey Azərbaycanı Aİ-nin strateji tərəfdaşı, təkcə nəqliyyat və enerji dəhlizi yox, həm də bir sıra beynəlxalq məsələlər, o cümlədən İran problematikasında həmfikir adlandırıb.  

     Ərəb baharı Qonşuluq Siyasəti çərçivəsində əməkdaşlığın dərinləşməsi prosesini sürətləndirib, deyə Pompey bildirib və qeyd edib ki, bu siyasət Aİ-nin ötən ilki “Şərq tərəfdaşlığı” Varşava sammitində xeyli güclənib. 

    Azərbaycanın Demokratiya adlı ev tikdiyini deyən Aİ prezidenti bildirib: "Bir günə ev və ya demokratiya tikmək olmaz. Onu kərpic-kərpic tikmək lazımdır. Bu, uzun prosesdir. Əminəm ki, Azıərbaycan bu evi tikəcək". 

     Herman van Pompey Dillər İnstitutunun fəxri doktoru adına layiq görülüb. Universitetin rektoru Səməd Seyidov yarızarafat deyib ki, prezident vəzifəsi müvəqqəti, doktorluq isə əbədidir. Universitetdə doktor Pompeyin gələcəkdə də çıxışını gözləyəcəklər. Bununla rektor auditoriyanın suallarına cavab verməli olan Van Pompeyin sıxıntısının qarşısını alıb. 

    Görüş gec başlayıb və suallara vaxt qalmayıb. Seyidov yüksək qonağın cədvəlinin sıxlığını əsas gətirərək onu tezcə universitetdən yola salıb.—0—