Açiq mənbələrdən foto.
AİHM "Azadlıq" qəzetinin redaktorunun şikayətini təmin edib
Bakı/30.06.22/Turan: Avropa İnsan Haqları Məhkəməsi iyunun 30-da "Qənimət Zayidov Azərbaycana qarşı" işi üzrə qərarını elan edib. Bu barədə hüquqşünas Xalid Ağalıyev məlumat verib.
Onun sözlərinə görə, AİHM bu işdə ərizəçinin ifadə azadlığı hüququna müdaxilənin baş verdiyini müəyyən edib və ərizəçiyə 1500 avro ödəyəcək ölçüsündə təzminat ödənilməsinə qərar verib.
Şikayət "Prezident köməkçisinin korrupsiya aparatı" sərlövhəli məqaləyə görə ərizəçilərə qarşı qaldırlmış mülki məhkəmə iddiaları, həmin iddialar üzrə çıxarılmış məhkəmə qərarları ilə bağlı idi. Sözügedən məqalədə Azərbaycanın keçmiş prezidentinin keçmiş köməkçilərindən olmuş Tariyel Ağayevin və qohumlarının əmlaklarından, futbol klubundan, torpaq sahələrindən, restoran və müxtəlif ticarət müəssisələrindən bəhs olunur, onların korrupsiya yolu ilə əldə edildiyi iddia olunurdu.
Ağayev məqalədəki məlumatların yalan olduğunu, onun nüfuzunu zədələdiyini bildirərək, qəzeti və qəzetin baş redaktorunu məhkəməyə vermişdi. Yerli məhkəmələr cavabdehlərin yayılmış məlumatların doğruluğunu sübut edə bilməməsi əsası ilə iddiaçının xeyrinə qərar vermişdi – dəymiş mənəvi ziyana görə qəzet 40.000, qəzetin baş redaktoru isə 25.000 manat cərimələnmişdi. Yuxarı məhkəmələr ərizəçilərin həmin qərardan şikayətlərini rədd etmişdi.
Ərizəçilər AİHM qarşısında iddia etmişdilər ki, milli məhkəmələrin qərarları onların ifadə azadlığı hüququna müdaxilə məzmununda olub – müdaxilə əsaslandırılmayıb və qeyri-mütənasib olub.
* Müxalif "Azadlıq" qəzeti 2016-cı ildə maliyyə problemləri ilə əlaqədar nəşrini dayandırıb. Bundan sonra kollektivin bir hissəsi hakimiyyətin təqibi ilə əlaqədar ölkədən mühacirət edib. Redaksiyanın bir hissəsi eyni adlı İnternet saytında yazılar dərc etməyə davam edir. Amma 2017-ci ildə hakimiyyət Azərbaycan ərazisində sayta girişi bloklayıb. 06B
Siyasət
-
Bu gün vəkil Elmar Süleymanov 1 saylı Bakı İstintaq Təcridxanasında Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli ilə görüşüb.
-
1 May - Beynəlxalq Əmək Günündə işçi haqları fəalları işçilərlə həmrəy olduqlarını nümayiş etdirmək üçün Bakının Mərkəzi Parkında yerləşən körpüyə "Sahib olduğunuz sərvət işçilərdən oğurluqdur" bannerini asıblar.
-
Mayın 1-də Azərbaycan prezidenti İlham Əliyev İraq Respublikası parlamentinin sədri Möhsin Əli Əkbər Əl-Mandalavini qəbul edib.
-
Bakı Şəhər İcra hakimiyyəti Demokratik Qüvvələrin Milli Şurasının mayın 5-də etiraz aksiyası keçirmək barədə müraciətinə yenidən imtina cavabı verib. Bu barədə Turan-a Demokratik Qüvvələrin Milli Şurasının rəhbəri Cəmil Həsənli bildirib.
Rəy yaz