Bakı/05.03.20/Turan: Avropa İnsan Hüquqları Məhkəməsi (AİHM) martın 5-də hüquq müdafiəçisi Oqtay Gülalıyevin şikayəti üzrə qərarını elan edib. Hüquq müdafiəçisi Xalid Ağaliyevin sözlərinə görə, şikayət 2012-ci ildə fəalın dağıdıcı daşqından zərər çəkmiş vətəndaşların hüquqlarını müdafiə edərkən həbs edilməsi ilə bağlı idi.
Gülalıyev həbsini qanunsuz hesab edib. Araşdırma zamanı hökumət ərizəçiyə barışıq təklif edib. Amma o, bu təklifi rədd edib.
Hakimiyyət Gülalıyevin Avropa Konvensiyasının 5.3-cü (azadlıq hüququ) maddəsində zəmanət verilmiş hüququnun pozulduğunu etiraf etməyə razılaşıb və ona 3500 avro təzminat ödəmək öhdəliyi götürüb.
Hökumət AİHM-yə müvafiq birtərəfli bəyannamə verib və ərizəçinin şikayətlərini baxılan işlər siyahısından çıxarmağı xahiş edib.
AİHM-nin qərarında qeyd edilir ki, Gülalıyevə hökumətin birtərəfli bəyannaməsi göndərilib, amma ondan cavab gəlməyib. Buna görə AİHM ərizəni baxılan işlər siyahısından çıxarmağı məqsədəuyğun hesab edib. Dövlət fəala 3500 avro ödəmək öhdəliyi götürüb.
Xatırladaq ki, Gülalıyev 2019-cu il oktyabrın sonlarında YHN-dən sonra komaya düşüb və indiyədək ayılmayıb. O, İstanbul klinikasında müalicə alır. -21С06-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz