AİHM Qiyas İbrahimovun və Bayram Məmmədovun hüquqlarının pozulduğunu təsdiq edib: Hökumət onlara 72 min avro ödəməlidir
Bakı/13.02.20/Turan: Fevralın 13-də Avropa İnsan Hüquqları Məhkəməsi Azərbaycandan gənc fəallar Qiyas İbrahimov və Bayram Məmmədovun verdiyi 6 şikayət üzrə qərar çıxarıb.
AİHM onların işgəncə, qanunsuz axtarış, məhkəməöncəsi həbs, qeyri-insani rəftar şikayətlərini təmin edib.
Məhkəmə fəalların 3-cü (işgəncələrin qadağan edilməsi), 5-ci (toxunulmazlıq hüququ), 10-cu (ifadə azadlığı) və 18-ci (hüquqlarla bağlı məhdudiyyətlərdən istifadə həddi) maddələr üzrə hüquqlarının pozulduğu qənaətinə gəlib.
Azərbaycan hökuməti hər iki fəala 72 min avro ödəməlidir.
Xatırladaq ki, NİDA Gənclər Hərəkatının üzvləri Bayram Məmmədov və Qiyas İbrahimov xüsusilə böyük ölçüdə narkotik maddə saxlamaq ittihamı ilə həbs ediliblər və hər biri 10 il azadlıqdan məhrumetmə cəzasına məhkum edilib.
Onların həbsinin əsl səbəbi isə 2016-cı ilin mayında Bakının mərkəzində Heydər Əliyevin abidəsinə siyasi şüarlar yazmaları olub.
Onlar siyasi məhbus kimi tanınıblar və 2019-cu ilin martında əvf fərmanı ilə azadlığa çıxıblar. -16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz