Aktauda Xəzər sammitinin gündəliyi

Bakı/09.08.18/Turan: Qazaxıstan XİN avqustun 12-də Aktauda keçiriləcək V Xəzər sammitinin gündəliyini açıqlayıb.

Beş tərəf ilə razılaşdırılmış gündəlik üç məsələni əhatə edir:

1. Xəzər dənizinin hüquqi statusu;

2. Xəzərdə əməkdaşlıq məsələləri (iqtisadiyyat və nəqliyyat; ekologiya və bioresursların qorunması; təhlükəsizlik);

3. Regional və qlobal beynəlxalq tematika.

Sammitin yekunlarına əsasən yeni sənədin imzalanması planlaşdırılır:

- Xəzər dənizinin hüquqi statusu haqqında Konvensiya, layihə 2017-ci il dekabrın 4-5-də Moskvada Xəzəryanı dövlətlərin xarici işlər nazirlərinin müşavirəsi çərçivəsində razılaşdırılıb.

Sammit zamanı nəqliyyat, ticarət-iqtisadi əməkdaşlıq, Xəzər dənizində insidentlərdən qaçılması haqqında üç sazişin, həmçinin Xəzər dənizində təhlükəsizlik sahəsində əməkdaşlıq haqqında sazişə mütəşəkkil cinayətkarlığa, terrorizmə qarşı mübarizə və sərhəd qurumlarının qarşılıqlı fəaliyyətinə dair üç protokolun imzalanması planlaşdırılır.

Avqustun 11-də beş Xəzəryanı ölkənin xarici işlər nazirlərinin görüşü olacaq. Növbəti gün Azərbaycan, İran, Rusiya və Türkmənistan prezidentləri sammitə gedəcəklər. -02D-