Aleksandr Lukaşenko: �Belarus və Azərbaycan digər ölkələrin bazarlarını birgə mənimsəmək niyyətindədir�

Minsk/19.11.18/Turan: Belarus və Azərbaycan üçüncü ölkələrin bazarlarını birgə mənimsəmək niyyətindədir, Belarus prezidenti Aleksandr Lukaşenko Azərbaycanın dövlət başçısı İlham Əliyevlə danışıqlar zamanı bildirib.

Onun sözlərinə görə, Minsk və Gəncə zavodlarının iştirakı ilə Türkiyədə traktorların buraxılması layihəsi yüksək hazırlıq səviyyəsindədir.

Azərbaycanda elektrobuslar, liftlər, taxıl kombaynları və digər kənd təsərrüfatı texnikasının nəqli və yığılması perspektivləri var. "Sizin Amerika və Almaniya kombaynlarından imtina edəcəyiniz vaxtı gözləyirik. Bu praktika bizə tanışdır. Belə kombayn sıradan çıxdıqda onun ehtiyat hissələrinə və s. bir o qədər vəsait odəmək lazım gəlir. Odur ki, biz vaxtilə öz kombaynlarımızın istehsalı barədə qərar qəbul etməli olduq və yanılmadıq. Zənnimcə, biz hələ bu sektorda qalib gələcəyik. Biz sizdə bu texnikanın birgə istehsalını yaratmağa və hətta üçüncü ölkənin bazarları üçün işləməyə hazırıq", - Lukaşenko bəyan edib.

O, Azərbaycan məhsullarının Belarusa ixracının artırılmasına tərəfdar olduğunu bildirib, belə ki, bu məhsulları ukraynalılar da alır.-02D-