![Belarus Azərbaycana hərbi texnikanın yeni partiyasını göndərəcək](https://turan.az/resized/media/2018/main/111900014891-750-500-resize.webp)
Belarus Azərbaycana hərbi texnikanın yeni partiyasını göndərəcək
Minsk /19.11.18/Turan: Belarus və Azərbaycan Belarus hərbi texnikasının növbəti partiyasının göndərilməsi ilə bağlı müqavilə hazırlayırlar. Bu barədə Minskdə rəsmi səfərdə olan Azərbaycan prezidenti İlham Əliyev Belarus dövlət başçısı Aleksandr Lukaşenko ilə danışıqlarının yekunlarına əsasən bildirib.
O, jurnalistlərlə söhbətində qeyd edib ki, iki liderin danışıqlarının yekunlarına əsasən Belarus Dövlət Hərbi Sənaye Komitəsi və Azərbaycan Müdafiə Nazirliyi arasında silah və hava hücumundan müdafiə texnikası sahəsində qarşılıqlı faydalı ikitərəfli əməkdaşlığın inkişafı haqda qarşılıqlı anlaşma memorandumu imzalanıb.
"Ən qısa müddətdə bu, Belarusdan hərbi texnikanın növbəti partiyasının alınması üçün müqaviləyə çevriləcək", - "Belta" agentliyi İ.Əliyevdən sitat gətirir.
İ.Əliyev Dağlıq Qarabağ münaqişəsinin nizamlanması məsələsindəki mövqeyinə görə Belarusa təşəkkürünü bildirib.
"Mən Dağlıq Qarabağ münaqişəsinin nizamlanması məsələsində Belarusun mövqeyinə görə öz adımdan və Azərbaycan xalqının adından təşəkkür etmək istəyirəm", - o deyib.
İki ölkə prezidentinin danışıqlarının yekunlarına əsasən imzalanmış bəyanatda deyilir ki, tərəflər Qarabağ münaqişəsinin ümumqəbuledilmiş prinsiplərə və beynəlxalq hüquq normalarına, "ilk növbədə dövlətlərin suveren bərabərliyinə, sərhədlərin, ərazi bütövlüyünün pozulmazlığına, həmçinin BMT Təhlükəsizlik Şurasının müvafiq qətnamələrinə və ATƏT-in qərarlarına uyğun olaraq nizamlanması məqsədilə gələcək addımların fəallaşdırılmssının vacibliyini qeyd edirlər". -02D-
-
- Maliyyə
- 19 Noyabr 2018 15:36
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz