Alen Simonyan: Mayın ortalarında Sahibə Qafarova ilə daha bir görüş keçiriləcək
Mayın ortalarında Azərbaycan parlamentinin spikeri Sahibə Qafarova ilə daha bir görüş keçiriləcək. Bu barədə Ermənistan parlamentinin spikeri Alen Simonyan İctimai Televiziyaya bildirib.
Qafarova ilə martın 22-də Cenevrədə keçirilən görüşün təfərrüatlarına toxunan spiker deyib ki, bu, Parlamentlərarası İttifaqın təşəbbüsü idi.
Onun sözlərinə görə, əvvəlcə müəyyən mübahisə baş verməsinə baxmayaraq, söhbət "tamamilə konstruktiv" idi. "Konstruktivlik ondan ibarət idi ki, biz qarşılıqlı etimadsızlıq mühitinin mövcud olması ilə razılaşdıq".
Görüşdə parlament səviyyəsində əlaqələrə başlamaq qərara alınıb. "Mən bu məsələni fraksiyamız və komandamızla müzakirə etməli olduğumu dedim. O da öz komandası ilə müzakirə etməyə hazır olduğunu bildirdi və biz mayın ortalarında növbəti görüşü keçirmək barədə razılığa gəldik". Onun sözlərinə görə, yeni görüş də Parlamentlərarası İttifaq platformasında olacaq.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz