![Ilham Aliyev and Nikol Pashinyan](https://turan.az/resized/media/2023/main/052500062636-750-500-resize.webp)
Ilham Aliyev and Nikol Pashinyan
Ali Avrasiya İqtisadi Şurasının iclasında Nikol Paşinyanla İlham Əliyev arasında mübahisə yaranıb
Bakı/25.05.23/Turan: Ali Avrasiya İqtisadi Şurasının iclasının sonunda Ermənistanın baş naziri Nikol Paşinyan söz istəyib və İlham Əliyevin çıxışına münasibət bildirib.
O, Əliyevin Zəngəzur dəhlizi barədə sözlərini "ərazi iddiaları" adlandırıb. Həmçinin Azərbaycanı 9 noyabr 2020-ci il tarixli üçtərəfli bəyanatı pozmaqda günahlandırıb.
İlham Əliyev replika atıb ki, Zəngəzur dəhlizi ərazi iddialarını nəzərdə tutmur, nəqliyyat kommunikasiyası mənasını daşıyır.
Buna cavab olaraq Paşinyan yenə bildirib ki, Azərbaycan Laçın dəhlizini qanunsuz olaraq bağlayıb.
Vladimir Putin Əliyev və Paşinyanın müzakirəsinə son qoymaq istəyib, lakin baş tutmayıb.
Laçın dəhlizinin qanunsuz bağlanması ilə bağlı Paşinyanın sözlərinə cavab olaraq Əliyev bildirib ki, bu yolda nəzarət məntəqəsi dövlət sərhədində quraşdırılıb və erməni millətinə mənsub ölkənin istənilən vətəndaşı oradan rahatlıqla keçə bilər.
Paşinyan isə bildirib ki, Laçın yolu yoxdur, Laçın dəhlizi var və orada yalnız Rusiya sülhməramlıları fəaliyyət göstərə bilər. "Biz hesab etmirik ki, yol açıqdır. Biz blokada səbəbindən humanitar böhranın qiymətləndirilməsi üçün oraya beynəlxalq missiyanın göndərilməsini zəruri hesab edirik".
Ermənistan və Azərbaycan liderləri arasındakı mübahisəni sonlandıran Vladimir Putin tərəfləri "terminologiyaya qapılmamağa" çağırıb.
"Mühüm olan odur ki, siz bir-birinizin ərazi bütövlüyünü tanımağa hazırsınız. Bizim üçlükdə danışmağa və razılığa gəlməyə imkanımız olacaq", - Putin deyib. 02B
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz