Prezident İlham Əliyev Ali Avrasiya İqtisadi Şurasının iclasında qonaq qismində iştirak edib

Bakı/25.05.23/Turan: Cümə axşamı prezident İlham Əliyevin rəhbərliyilə Azərbaycan nümayəndə heyəti Moskvada açılan Ali Avrasiya İqtisadi Şurasının iclasında ilk dəfə iştirak edir.

Əliyev Ali Avrasiya İqtisadi Şurası ölkələrinin (Rusiya, Belarus, Qazaxıstan, Qırğızıstan, Ermənistan) liderlərilə “dəyirmi masa” arxasında oturub. Özbəkistan və Tacikistan liderləri videobağlantı ilə iclasda iştirak ediblər.

Əliyev öz çıxışında deyib ki, Azərbaycan Ermənistandan başqa  Avrasiya İqtisadi Şurasının bütün üzvlərilə ikitərəfli formatda əməkdaşlıq edir.

Ərazi bütövlüyünün  qarşılıqlı tanınması və sülh müqaviləsinin bağlanması şəraitində Ermənistanla da münasibətlərin normallaşması mümkün olacaq.

Azərbaycanın nəqliyyat infrastrukturu yüklərin bütün istiqamətlərdə çatdırılmasını təmin etməyə imkan verir. Zəngəzur dəhlizinin açılışı ölkənin nəqliyyat imkanlarını daha da genişləndirəcək. Ölkədə 9 beynəlxalq aeroport və Xəzərdə ən böyük ticarət donanması var. Həmçinin Azərbaycanda istənilən tonnajlı gəmilərin inşasına imkan verən tərsanə yaradılıb. 02B