Ali Məhkəmə müxalifətçini həbsdə saxlayıb

Ali Məhkəmə müxalifətçini həbsdə saxlayıb

Aprelin 18-də Azərbaycanın Ali Məhkəməsi Almaniyadan deportasiya edildikdən sonra həbs edilmiş fəal Pünhan Kərimlinin kassasiya şikayətini təmin etməyib.

Beləliklə, Ali Məhkəmə Kərimlinin narkotik haqqında iş üzrə 5 il müddətinə azadlıqdan məhrum edilməsi haqqında hökmü qüvvədə saxlayıb.

2021-ci ilin noyabrında Kərimli Almaniyadan deportasiya olunub və iki ay sonra Azərbaycanda qanunsuz narkotik dövriyyəsi ittihamı ilə həbs olunub.

Bakı Ağır Cinayətlər Məhkəməsi onu 6 il müddətinə azadlıqdan məhrum edib. Sonradan Apellyasiya Məhkəməsi həbs müddətini bir il uzadıb. 

Mayın 16-da Ali Məhkəmə Kərimlinin kassasiya şikayətini qismən təmin edərək, işi yenidən baxılması üçün Apellyasiya Məhkəməsinə qaytarıb. Lakin 29 avqust 2023-cü il tarixində Bakı Apellyasiya Məhkəməsi Kərimliyə qarşı ittiham bəndlərindən yalnız birini ləğv edərək, cəza müddətini dəyişdirmədən saxlayıb. 

Bu gün Ali Məhkəmə bu hökmü təsdiq edib. Müdafiə tərəfi Avropa İnsan Hüquqları Məhkəməsinə müraciət etmək niyyətindədir.

Kərimli hüquq müdafiəçiləri tərəfindən siyasi məhbus kimi tanınıb.

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti