Almaniya səfiri Tofiq Yaqublunun qızı ilə görüşüb
Bakı/12.01.24/Turan: Yanvarın 11-də Demokratik Qüvvələrin Milli Şurasının və Müsavat Partiyasının üzvü, həbsdə olan Tofiq Yaqublunun qızı Nigar Həzi Almaniyanın Azərbaycandakı səfiri Ralf Horleman ilə görüşüb.
“Saat yarımlıq görüşdə son repressiyalar zamanı həbs olunan Tofiq Yaqublu və digər siyasi məhbuslar barədə danışdıq. Bütün siyasi məhbuslara azadlıq tələb edirəm”, - Nigar Həzi Facebook səhifəsində yazıb.
Bundan öncə, müxalifətyönlü siyasətçinin qızı ABŞ-ın Azərbaycandakı müvəqqəti işlər vəkili, Fransa səfiri və Avropa İttifaqı nümayəndəliyinin rəhbərilə görüşüb.
* Tofiq Yaqublu dekabrın 14-də dələduzluq və sənədlərin qanunsuz hazrlanması ittihamı ilə həbs edilib. O, ittihamları rədd edərək onları saxta adlandırıb.
Siyasətçi əvvəllər də dəfələrlə cinayət və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar. -03/06B-
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz