ABŞ və Böyük Britaniya Yəmənə zərbələr endirib

РБК:  ABŞ Mərkəzi Komandanlığı bildirib ki, ABŞ və müttəfiqləri 60-dan çox hədəfə zərbələr endiriblər: bunlar radarlar, hava hücumundan müdafiə sistemləri, pilotsuz təyyarələr və raketlər üçün anbarlar və buraxılış məntəqələridir.

Husilərin nümayəndələri bildiriblər ki, zərbələr Yəməndə bir neçə hədəfə endirilib, - deyə CNN məlumat verir. Bunların arasında paytaxt Sənanın şimalındakı Əl-Dailami aviabazası, Yəmənin qərbindəki Hodeyda beynəlxalq hava limanı yaxınlığındakı ərazi, ölkənin şimalındakı Saada əyalətində husilərin bazası və cənub-qərbdəki Taiz beynəlxalq hava limanı daxildir.

Rusiya BMT Təhlükəsizlik Şurasının iclasını tələb edib. İran Yəməndə husilərə qarşı zərbələri özbaşınalıq və ölkənin suverenliyinin pozulması adlandırıb.

Vaşinqton və London zərbələri koalisiyanın dəstəyi ilə həyata keçirib. Həmin koalisiya Qırmızı dənizdə gəmiçiliyi husilərin artan hücumlarından qorumaq üçün keçən ilin sonunda toplanıb. ABŞ və müttəfiqlərinin husilərin mövqelərinə zərbələr endirməsinə baxmayaraq, onlar gəmilərə hücumları davam etdirəcəklərinə söz veriblər.